basna le za'i smaji fi'e la sergei,kozlov
to
.i ko'a goi le jescakmabru? .e fo'a goi le cribe cu vreta le srasu vi
le fenra ga'u le rirxe
gi'e se gusni fi le critu kandi solri tezue le nu vo'a glare
.i le fagri xunre pezli cu jadni le ricfoi noi ragve le rirxe
toi
.i mi nelci le critu donri ca le nu le solri cu kandi je y za'e bumtai
sei ko'a cusku
.i .o'u to'e fanza sei fo'a cusku
.i .ie simlu nu co'u muvdu je cando
.i .uanai vi ma co'u muvdu
.i na'i .i cando jenai muvdu
.i .uanai ma go'i
.i ro da
.i xu no da muvdu
.i je'a go'i
.i .ianai blusfani .i la blusfani cu vofli to fo'a bacru zo zi'i'i'i'iz
gi'e se desku le birka fi'o se jarco tu'a le blusfani toi
.i le blusfani cu zmadu y y duktybasna le za'i cando sei ko'a spuda
.i ki'a duktybasna
.i ko catlu sei ko'a co'a bajra .i xu do viska
.i viska ma
.i le za'i le ricfoi cu cando
.i na viska .i mi viska le nu do bajra
.i ko catlu mi na .e le ricfoi sei ko'a di'a bajra
.i .ua xu mi bilga le nu na viska do
.i ja'a
.i vi'o sei fo'a carna be to'o ko'a
.i mu'i ma do carna sei ko'a se preti
.i ba'e do minde le nu na viska
.i ko viska mi jo'u le ricfoi .i mi co'a bajra
.icaku le ricfoi cando .i mi basna le za'i go'i le dukti
.i vi'o mi ba troci to fo'a cusku gi'e co'a zgana ko'a ro kanla toi .i ko bajra
.i ko'a co'a bajra
.i ko zmadu sutra sei fo'a cusku
.i ko'a jmina le ka sutra
.i ko sanli .i gau ko krefu
.i ma krinu
.i mi na pu'i catlu do jo'u le ricfoi .i do mutce xajmi bajra
.i ko viska mi ba'e jo'u le ricfoi .i mi bajra .ije ri cando
.i mi basna fi le dukti .i mi duktybasna .i xu do jimpe
.i xu do ka'e bajra fo le barda plipe
.i ma krinu
.i ko troci
.i paunai xu mi plipe danlu
.i na go'i .iku'i mi na kakne le nu co'u viska tu'a le do tuple
.i le ve bajra na vajni .i le nu le ricfoi .enai mi muvdu cu vajni
.i vi'o ko bajra
.i sei ko'a di'a bajra
.i tu'a le tolbanzu barda ve plipe cu na kakne le nu basna
.i ko zgana le banzu plipe to fo'a cusku gi'e co'a plipe pa'a la kangarus toi
.i sei ko'a suksa cusku ko stodi .i ko tirna .i xu do tirna le ka smaji
.i ja'a
.i le nu mi co'i krixa cu te basna le ze'i smaji
.i fo'a krixa zo .a'a'a'a'ax
.i .uo xu do jimpe sei ko'a se preti
.i .ua go'i .i le nu krixa je carna plipe kei sarcu
to fo'a krixa zo .a'a'a'a'a'a'ax gi'e plipe jo'u carna be le stedu toi
.i .i'anai na go'i .i le nu bajra jo'u plipe cu go'i pa'a tu'a mi
sei ko'a krixa ce'o co'a plipe
.i .i'enai bajra ce plipe ce farlu ce vofli sei fo'a cusku
.i .u'e ta'i ma vofli sei ko'a co'u muvdu
.i ta'i ti to fo'a cusku gi'e plipe le cnita le fenra korbi
gi'e cmoni zo .uaiaiaiaiaiaaax
.i ko'a gunro jersi ko'e fi'o se cmoni zo .uaieieieieieiex
.i zo lailailailailailam se cmoni le remei ca le nu xruti cpare .i rapli .i go'i
.i co'u le vanci ko'a joi fo'a ze'e bajra ce plipe ce farlu ce cpare ce cladu
fi'o sebasna le critu ricfoi za'i cando smaji
fa'o
http://hedgehoginmist.narod.ru/images/hed32.jpg pixra ko'a joi fo'a
To unsubscribe from this list, send mail to lojban-list-request@lojban.org
with the subject unsubscribe, or go to http://www.lojban.org/lsg2/, or if
you're really stuck, send mail to secretary@lojban.org for help.