History: The Open Window

Source of version: 2 (current)

!!::''The Open Window by Saki'':: !!!::''translated by Athelstan'':: ::''(as it appeared in ((ju'i lobypli)) Number 10 - November-December 1989)'':: !!!::mele kalri canko ci'a la sakis. vau:: ni'oni'o lu lemi rirme'i bazi dizlo klama doi mestr.natl. li'u se bacru le clite ke jikca kufra citni'u noi ke'a li pamu cu nanca .i lu .ei do troci lenu do cabi'ibaxipa renvi lenu mi jikca li'u se bacru .i la fremtn.natl. goi fo'a troci lenu cusku le drani poi ke'a cu ge cusku pluka le cavizi tunbyti'u gi nake jikca xlali le bavizi rirme'i .i secau lenu fo'a cusku kei fo'a senpi lenu le porsi nu jikri'i vitke lei pu na penmi kei cu sidju le xanka ve mikce poi fo'a ca troci co se mikce ni'o lu ru'a mi djuno le do bavuza tcini li'u lefo'a goi le go'i ku mensi pupu se bacru mu'i lenu fo'a ca binxo co bredi lenu xabju klama le puxirejeva nurma ke snura stuzi .i lu do bava jikca najenai tavla su'o jmive prenu .i ledo mi xanka kei cu zenba ri'a lenu ranji badri .i da'i .ei mi ba dunda fi do fe lei pemydjuxa'a be fe ro leva prenu poi pu jikca se penmi mi .i su'o ri cu sei dei jetnu befi lei mi se morji se'u pu mutce pluka li'u ni'o la fremtn. puxiso'e pensi lu xu la mezyz. sepltn. ne le ninmu poi fo'a dunda fi ke'a fe pa le pemdjuxa'a ku'o cu cmima lei pluka li'u .i lu xu do pu penmi so'i le viza prenu li'u preti fi le tunbyti'u mu'i lenu ri ca pajni leni na sance jikca kei le banzu .i lu go'i ji'ino prenu li'u se bacru la fremtn. .i lu lemi mensi puviza xabju la REXtoris. pu le puzi nanca vomei .i ra pu dunda su'o pemdjuxa'a befe su'o le viza prenu li'u .i romoi jufra bacru ci'o lenu selbirti xenru .i lu ju'e do djuno le ji'inomei xu lemi rirme'i li'u ranji jmina preti se bacru le clite ke jikca kufra citni'u .i lu go'i lo su'emei po'u lera cmene .e lera judri li'u tugni se danfu le vitke .i fo'a pensi kucli lenu la mezyz.sepltn. goi ko'u cu speni gi'a mroselspe .i da poi na kakne co se skicu zi'e pe le kumfa cu stidi leka nanmu xabju .i lu leko'u goi ra banli betri cu fasnu puca le pu nanca be li ci seisa'a se cusku be le citno .i la'edi'u balvi lenu ledo mensi vi xabju li'u vau .i lu ki'a le ko'u betri vau li'u preti fi la framtn. .i ki'u da fo le vive'a surla nurma stuzi fa lei betri cu simlu lo fange .i lu se lakne lenu do kucli lenu mu'i ma mi'a rinka lenu leva canko cu ranji le kalri kei le mela aktobr. lecysoltei li'u se bacru le tunbyti'u noi ke'a ca farja'o le barda fasyvroca'o noi lamji le saurfoi .i lu .i'e leni glare cu zmadu lo'e ni ca citsi glare seisa'a se cusku be la fremtn. .i ji'a xu le va canko fi da ckini fe le betri li'u vau lu tai lenu va canko pagre ku cazi le satci cibnanca purci ku ko'a goi ge leko'u speni gi leko'u re citno bruna cu cliva zukte fi leca djedi ku terdanti nunkalte .i ko'a ko'a noroi xruti .i ca lenu ko'a cu ragve klama fo le rancimdre foldi fe leko'a selneirai ke cpirsnaipe katstu kei ro le cimei cu se ri'usrutu'o lo nurcau rancimderke'a .i ca le pu kufrydukti je carvi crisa sei se djuno se'u loi stuzi poi ke'a cu snura ca lei drata nanca cu suksa je nalseljde nalsarji .i leko'a xadni cu noroi se facki .i la'edi'u kufrydukti pagbu li'u se bacru le tunbyti'u goi fo'e .i le voksa be le citno cazi binxo co ckaji leka jikca kufra na.e leka ci'orja'o co dirsre remna .i fo'e bacru lu la selke'i rirme'i cu roroi krici lenu ko'a ba xruti ko'a ca lo ba djedi .i ko'a noi se kansa le cmalu je bunre pangerku poi ke'a se cirko fa'u lenu ke'a kansa ko'a cu dzukla levi nenri fo leva canko ta'i le purci po ko'a .i la'edi'u cu krinu lenu le canko cu kalri ranji fi ro le vanci pagbu pe ze'o le ctebixtei .i la selke'i je selnei rirme'i goi ko'u puta'e tavla mi lesu'u cliva ne pu'e lenu ge leko'u speni goi ko'e cu kansa ponse leko'e blabi je jacnalgre gacko'a noi ke'a dandu leko'e birka gi la ranis. po'u leko'u citrai bruna goi ko'i cu sanga lu doi brtis. mu'i ma do plipe li'u noi roroi se sanga semu'i lenu zdifanza ko'u ku mu'i lenu ko'u xusra lenu le nunsanga cu fanza ko'u .i sei ko djuno be la'edei so'uroiku ca lei bifcau je smaji vanci poi ke'a simsa ti ko'u mi piso'aroi pencauji'i lenu ro ko'a ba dzugre leva canko li'u ni'o fo'e sisti tai lo cmalu nu desku .i la fremtn. surlybi'o va'o lenu le rirme'i cu so'irzu'edzukla le kumfa nenri tai lo gunma be loi xernuncru pe mu'i lenu ko'u lerci lenu ko'u klama ti .i lu mi pacna lenu la viras. capu zdile do li'u se bacru ko'u .i lu ra capu carmi cinri li'u se bacru la fremtn. .i lu mi pacna lenu do na se fanza le kalri canko seisa'a sutra se bacru be la mezyz. sepltn. .i lemi speni ce bruna goi ko'a cu zvati le selxa'u bazi leinu seldantysazri .i ko'a roroi nerkla fo ta .i ko'a pu bartu ca lei cimynalsai foldi seni'i lenu ko'a ba galfi fi lo naljinsa kalsa fe lemi selbe'i lolbu'u .i simsa leka medo po'u loi nanmu kei vau xu li'u vau .i ko'u gleki rajyta'a fi leinu seldantysazri .e le cipni ka so'umei .e leka cumki loi datka ca le dunra .i ga'a la fremtn. goi fo'a la'edi'u curve ka nalpu'a .i fo'a camtcu je su'episo'emei bo snada troci lenu fo'a galfi lenu terta'a kei lo mroru'i ckamu nu terta'a .i fo'a sanji lenu lefo'a selvi'e capu su'episo'umei jundi kei .e lenu leko'u kanla ru'i midyctarmu'u fo fo'a fi le kalri canko .e levu saurfoi .i fo'a birti lenu lefo'a vitke pe ca leca betri nacykefydei cu xlafunca cunkemdimnyfau .i lu lei mikce cu tugni ri lenu ri mikce mi fo lonu mulno surla .e lonu menli ci'ordu'e claxu .e lonu mi rivbi roda poi simsa lonu vlile slugu'a li'u nuzba fi la fremtn. noi ke'a cu jinvi le su'episo'imei kampu jifselkri po'u lenu loi roroi penmi .e loi paroi cunpenmi cu nuzyxagji ro lo cmalu tcila be lei terbi'a .e lei termikce .e leiri rinka je velmikce .i lu sera'a lemi ctipla ru cu na mutce tugni li'u se mi'acru fo'a .i lu xu na go'i li'u se bacru la mezyz. sepltn. sepi'o lo voksa poi cazi basti lo nalselcni nunva'u .i ko'u suksa lenu binxo lo cikna jundi .i go'i mu'inai le se bacru be la fremtn. .i lu ko'a vize'o klama ca .uo ku seisa'a se laucru be ko'u se'u cazi le tcatytei .i .ienaipei ko'a simsa zo'e poi ke'a cimdre se gacri ji'e le kanla li'u vau .i la fremtn. piso'umei desku ri gi'e carna zu'i le tunbyti'u sekai leka firsku poi se djica fo'a lenu cusku leka ci'orkansa jimpe .i le citno cu caicta da pe vije'oza le kalri canko sekai leka lo cfipu ka teprai cu se jarco lefo'e kanla .i sekai leka lenku jenca co velskicycau nunte'a ku la fremtn. carna le seltse gi'e catlu fa'a le se go'i .i va'o le manbi'o vanci ku lo ci remtra goi ko'a cu dzukla fo le saurfoi vazai le canko .i roda po'u pa le cimei cu bevri lo terdanti seni'a leda birka .i pa le cimei cu mi'arbe'i lo blabi kosta noi dandu leri janco .i lo tatpi ke bunre pangerku ca vazi ranji leko'a jafti'e .i sekai leka sancau ku ko'a jbibi'o le zdani .i lo ruble je citno voksa cu sagysku ra'i lei manku fe lu mi pu cusku lu doi brtis. mu'i ma do plipe li'u li'u .i la fremtn. cilce jgari lefo'a grana .e lefo'a mapku .i le zdacravro .e le cmaroi kacplu .e le crane folbimvro cu kandi selzga velplu sepa'u lefo'a xalni nu ze'o bajra .i lo relxilma'e sazri noi ke'a klama fo le dargu cu bai nerbi'o le spabi'u mu'i lenu zu'i rivbi lo bazi nu janli .i lu vi stuzi mi'a doi lami dirba seisa'a se bacru be le bevri be le blabi cavykosta be'o noi ke'a nerkla fo le canko se'u noi ke'a piso'imei cimdre selgai .i ku'i piso'e le cimdre cu sudga .i ma sukybajykla le bartu ca lenu mi'a vi klama li'u .i lu fo'a goi lo traji nalfadni nanmu po'u la mestr. natl. cu go'i seisa'a se bacru be la mezyz. sepltn. .i pu tavla fi leri nunbi'a .enai lo drata gi'e sukli'a secau lo litli'avla .a lo xervla ca lenu do vi klama .i lakne jinvi lenu fo'a pu viska lo ru'ipre li'u .i lu mi stidi lenu le pangerku cu mukti seisa'a seke smaci'o bacru le tunbyti'u .i fo'a fi mi skicu fe lenu fo'a camte'a loi gerku .i paroiku fo'a seke jersi kalte vazaive'a lo mrofoi pe vi le ri'emla be la ganjiz. fe lo cilce gerku girzu .i fo la'e di'u nitcu fa fo'a fe lenu caze'a le nicte cu stali vizi lo ninselkakpa mroke'a va'o lenu lei gerku ca gekyki'a gi'e jdecisma gi'e sputu vau ve'ijega'u fo'a .i la'ede'u cu banzu lenu roda xalni li'u .i leka finti loi cizra lisri ze'i lo cmalu temci cu ka fo'e se certu steci