History: le pu naje ca xamsi cnita

Source of version: 1 (current)

di'e xe fanva fe le se sanga be la DANyvynLITC. be'o peme'e la .((etLENtys)). itu'e ko'agoi lebi'u peme'e la .etlentys. ku'o tumla puze'uki barda daplu fi le ca se cmene be fa lu stici baljau li'u bei fi ma'a pu ko'egoi lemu'e banli xasygairgyri'a .i ko'a ronkramu banzu ledu'u frili klama fa lebi'u melbi lotcre le bemro .e le ketco leko'a stici korbi fu le cinta falnu bloti .i minli be li so'u be'o jibni le friko fo le stuna .i ki le misro zazbanli temci cu cmalu pagbu le kulnu be ko'a ni'o le trajynobli co purci be ko'e puki xabju litru le terdi mulno .i ki ro le cevni poi ranmi be fi ro kulnu be'o draci fu ke'a ku'o cu se finti ko'a noi se manci ni'o pukiku ki'u ledu'u ko'igoi le xabju be ko'a sanji le mufydaspo balvi be ko'i keiku ko'i benji ko'ogoi le bloti ro pagbu be le terdi .i ko'o vasru lo gaimei be filo pemcypra ce lo mikce ce lo te cange ce lo skepre ce lo te makfa ce lo drata be'o noi ki krasi le ti'ezu'u cevni be le ca ranmi .i je'uzu'unai cevni vlipa ni'oni'o faugi le cabna dzena zu'u joi catni ca'o cuxna lenu to'e jimpe gi ma'a zu'unai bilga co salci je dansu je sanga be'o je glekyrinsa le bi'unai cnino cai .i rinsa ko'a .ua.u'e.uori'esai ni'o fu'eke'ure'e darcnita le condi fa lepa stuzi poi mi ke'a senva co sisku fu'o tu'u ---- lerfu tarmi tolmelbi ri'a le du'u xubu basti y'ybu