Nick Nicholas

.i la nik. nikolas. goi la nitcion. cu cmima le lojbo cecmu co'a la 1991nan. di'a la 1994nan. bi'o la 1999nan.

.i mi cmima le'i runbau nelci krasi lojbo (to se ciksi vecu'u le prosa pe le'i cnino nunbanro lojbo toi) no'u sa'enai le'i jbini cedra krasi lojbo .i mi pu gunka tu'a ji'a le bangrnesperanto .e le bangrtlingana.

.i mi se cecmu le sralo jecta .i mi se dzena loi xelso .i mi jbena ca la 1971nan. .i mi ca'o la 1999nan. bi'o la 2001nan. se jibri vi le merko .i mi ca li 2002 ctuca le bauske vi le la melbn. balcu'e gi'e se jibri lenu samyminde .e lenu skesisku sidju nevi le la fraso je bangrnitaliano ckule pe le la melbn. balcu'e

.i mi ba'o tadni loi dikca zbaske kujoi loi samske gi'e se cnemu le tadnyjaspu pe la bakalaure'us. (to zoigy. Bachelor's gy.toi) .i mi ba'o tadni loi bauske gi'e se cnemu le tadnyjaspu pe la doktor.

.i semu'ibo mi citri bauske lanli lenu loi ninxelso klobaukle (to zoigy. dialect gy.toi) cu ve cmavo fi makau zoixy. pou xy. .i zoixy. pou xy. smuni simsa zo poi .e zo nu .e "lo'u do'e le nu le'u"

.i mi caza mrilu se judri zoigy. opoudjis@optushome.com.au gy. .i jondatnymu'e se judri zoigy. http://www.opoudjis.net gy.

.i mi ca lenu jmina fi la .uikij cu se judri li 128 pi'e 200 pi'e 37 pi'e 21 — ne lemi briju pevi la kalifornias. ge'uge'u — .e li 128 pi'e 195 pi'e tu'o pi'e tu'o — ne lemi zdani pevi la kalifornias. ge'uge'u — .e li 128.250.86.21 — ne lemi briju pevi la melbn ge'uge'u — .e lo vrici — ne lemi zdani pevi la melbn ge'uge'u


Created by NickNicholas. Last Modification: Sunday 08 of June, 2014 21:28:18 GMT by mukti.