(to ko mi fraxu pe'u ca'a pemci finti toi)
le rotsu prenu cu cusku lu ti'e
le cmene be lo rozgu ca'a sucta
pa purdi be di xrula noi se sructa
co tolcikna ro le drata pudji'e
i di'u va'o ro lo ro cambi'e
pu je ca je bave'e sezmi'usta
li'u ca le nu citka le tergusta
i ko'a kufra vreta le ranki'e
i lu zu'unai le cmene io be di
na ka'e tese djuno le tedre'a
pu le nu le ri pruxi ca'a bredi
li'u di'a se cusku le ro'upre
noi ca simlu le ka badbe'urze'a
i ko'a le nu ba doicki cu nupre
mi'e xorxes
de'i li 1994;01;23