xirli'u selsanga

Poem by Federico Garca Lorca translated by xorxes from Spanish
(Get the original and other versions at this site(external link)!)

xirli'u selsanga

.i la kOrdobas.
zo'u darno .o'enai

.i xekri xirma .i barda lunra
.i daskyne'i rasygrute
.i i'a lei dargu mi slabu
.i ku'i na tolcliva la kOrdobas.

.i pa'o le foldi .e le brife
.i xekri xirma .i xunre lunra
.i la nunmro mi ca catlu
to'o lei galdi'u pe la kOrdobas.

.i .oi lo mutce clani dargu
.i .oi doi pemi virnu xirma
.i .oi la nunmro mi ba penmi
pu lenu tolcliva la kOrdobas.

.i la kOrdobas.
zo'u darno .o'enai

 



The original document is available at http://tiki.lojban.org/tiki/xirli%27u+selsanga