Robin's Palm Writings Category: la junypre
Navigation: la junypre Index Robin's Palm Writings Top-Level Index
WARNING: this is very old and unedited.
ni'ocai
li 2319 to le ni nanca cu balvi le nu la kalz.co'a jitro toi pi'e 7 pi'e 4 cu detri le dei lisri be me'e lu
le blanu xrula
li'u
ni'o
.i lu viska pa lo remna li'u
.i lu .a'a do birti tu'a lo remna .enai lo cinfypre li'u
.i la cipni kanla cu cusku lu mi birti .o'ocu'i li'u
.i la rokci birka cu cusku lu .i'a .i do viska ji'a ma li'u
.i lu ry. bevri le .y. le grana to sa'a zi denpa toi .ua .ue lo ca'a mafygrana .u'e li'u
.i la rocki cu sanli binxo sepi'o le katyga'a .ije zgana le darno .i cusku lu
xu do ba'e birti
li'u
.i la kanla goi ko'a cu bacru le fengu sance gi'e cusku lu
doi bebna ko sruma le nu mi roroi birti
li'u
.i la rokci goi ko'e cu cisma sepi'o du'e loi kinli denci gi'e pendo jgari le birka po la kanla gi'e cusku lu
vi'o .iku'i .oisai mi na nelci le makfa prenu poi na cifnypre .i .oi .i xu loi mafysni cu slabu do
li'u
.i za denpa .i ko'a cusku lu
go'i gi'e sampu
li'u .i lu
.ui .iicu'i .iepau mi cliva mu'i tu'a le nu jdegau loi dzena
li'u secu'u ko'e .iku'i ko'a cusku lu
.ienai pe'u ko stali .ije mi'a gunma rinsa le va remna
li'u
.i ko'e tugni snigau .i le re cifnypre cu zutse mu'i le nu denpa
ni'o bazabo
cazi le nu le remna ca'a zvati le re prenu kei ko'a .e ko'e sanli gi'e krixa cusku le te rinsa .i ry sisti gi'e ji'a rinsa loi cifnypre
.i ko'e cusku lu
doi litru do sisku ma vi le te gugde be loi cinfypre
li'u
.i le va citno nanmu cu cusku lu
ga'inai mi sisku lei do'o dzena .i mi se cmene la ram.
li'u
.i loi cinfypre cu smaji casnu .ibazibo ko'e cusku fi la ram. fe lu
ga'i mu'i le nu djica tu'a loi dzena kei ko dunda mi le do mafygrana .e lei do mafysni
li'u
.i la ram. to'e gleki le si'o di'u gi'e seku'ibo cusku lu
.i'enai mi jimpe le do se djica .iku'i do zmadu mi le ka sutra bajra .i .u'iru'e mi traji to'e djica le nu do to'o bajra fi'o se bevri le mi makfa dacti
li'u
.i ko'e fengu cusku lu
.ionai loi cifnypre roroi zukte da poi te nupre .iji'a mi nupre le nu mi dunda do gi'o se cliva do .i xu do ckasu le mi vrude
li'u
.i la ram. cusku lu
ga'inai .o'o na go'i .i .u'u mi terpa tu'a lei mi mafysni .i pe'u do fraxu mi
li'u .iseku'ibo la ram. dunda le mafygrana .e le mafysni
ni'o da'o
lu doi dzena .iosai le remna cu diklo li'u
.i lu pe'u ko gasnu le nu ry nenri li'u .i lu vi'o li'u .i nu cliva
.ibazibo le remna cu muvgau le skapi vrogai le mlana gi'e pagre nergau le cmalu sampu bo velfi'iske zdani
.i la ram. goi ko'a cusku lu
ga'inai coi ro do voi dzena ku'o mi'e ram. mi cumla cpedu le nu mi'o casnu
li'u
.i pa le dzena cu cusku lu
.i fi'i ram. pe'u ko nergau gi'e zutse le crane be mi'a .i pe'u ko skicu do mi'a
li'u
.i lu
.i ga'inai mi pindi kasli'u .ije mi tolcertu mafypre .i mi klama le vi stuzi mu'i le nu pikci do
li'u se cusku la ram.
.i lei dzena cu simxu zgana .i lei kanla cu pe'a benji lei nupre .i pa le drata dzena cu cusku lu
.i pikci fi ma
.i sei la ram. cusku se'u pikci le nu sisku pa le blanu xrula
.i sei pa le drata dzena cu cusku se'u ma mukti
.i sei la ram. se'u mi nitcu tu'a le mi makfa nu cilre
li'u
.i krefu le nu lei dzena cu simxu viska