.ai mi ze'e ba jmive
I intend to live forever.
.ai le mi cukta do sidju gi'e pacnygau
I intend for my book to give you help and hope.
.ainai do pu se xrani
I didn't mean for you to get hurt.
.aicu'i mi ti ba te vecnu
I don't know whether I'll purchase these or not.
.au lo tricu cu krati lo ro se genja gi'e sfasa lo kusru be gy
Would that the trees might speak on behalf of all things that have roots, and punish those that wrong them!
.aunai ta tai kargu
I wish those weren't so expensive.
.aucu'i makau jinga
I don't really care who wins.
.a'o le nobli cu gidva lo se zukte be mi
Oh, that the Lord would guide my ways.
.ei mi cliva co'o
Gotta go now, bye!
.ei le jatna cu ckeji
The president ought to be ashamed.
.ei do djuno
You ought to know.
.einai do tolnurcni
You don't have to feel threatened.
.e'a do tsebi'o
You may sit down.
.e'anai do ti stali
You can't stay here.
.e'e ko jarco lo se kakne be do
Show them what you can do! Go for it!
.e'i mi do bajra jivna fe'e co'u le karce
I'll race you to the car!
.e'o do dunda le silna mi
Can you pass me the salt, please?
.e'u mi'o salci
Let's party!
Attitudinal expression | Attitude expressed |
.ai sentence | le cusku cu relzilzu'e lo nu sentence |
.ainai sentence | le cusku cu relzilzu'e lo nu naku sentence |
.aicu'i sentence | le cusku no'e relzilzu'e lo nu sentence |
.au sentence | le cusku cu djica lo nu sentence |
.aunai sentence | le cusku cu djica lo nu naku sentence |
.aucu'i sentence | le cusku no'e djica lo nu sentence |
.a'o sentence | le cusku cu pacna lo nu sentence |
.a'onai sentence | le cusku cu pacna lo nu naku sentence |
.a'ocu'i sentence | le cusku no'e pacna lo nu sentence |
.ei sentence | lo nu sentence cu sarcu |
.einai sentence | lo nu sentence cu na sarcu |
.e'a sentence | lo nu naku sentence cu na sarcu |
.e'anai sentence | lo nu naku sentence cu sarcu |
.e'e sentence | le cusku cu xlura le te cusku lo nu sentence |
.e'enai sentence | le cusku cu xlura le te cusku lo nu naku sentence |
.e'ecu'i sentence | le cusku no'e xlura le te cusku lo nu sentence |
.e'i sentence | le cusku cu talsa le te cusku lo nu sentence |
.e'inai sentence | le cusku cu talsa le te cusku lo nu naku sentence |
.e'icu'i sentence | le cusku no'e talsa le te cusku lo nu sentence |
.e'o sentence | le cusku cu cpedu lo nu sentence kei le te cusku |
.e'onai sentence | le cusku cu cpedu lo nu naku sentence kei le te cusku |
.e'ocu'i sentence | le cusku no'e cpedu lo nu sentence kei le te cusku |
.e'u sentence | le cusku cu stidi lo nu sentence kei le te cusku |
.e'unai sentence | le cusku cu stidi lo nu naku sentence kei le te cusku |
.e'ucu'i sentence | le cusku no'e stidi lo nu sentence kei le te cusku |