Robin's Palm Writings: nicte cadzu 1 pi 5 pi'e 2 mo'o

Robin's Palm Writings Category: la nicte cadzu

Navigation: la nicte cadzu Index Robin's Palm Writings Top-Level Index


<code>

&lt;dir&gt; na nabmi .i la norsmu cu ja'a cfipu .i ny na troci lo nu cusku lo se kakne se jimpe

&lt;norpan&gt; .i ku'i lo nu troci co jimpe ny cu la'a mutce sidju lo nu cilre

&lt;susan&gt; .ue coi norpan do pu no roi tavla

&lt;susan&gt; doi norpan xu do tirna

&lt;taliesin&gt; ko pilno zo jundi .e nai zo tirna

&lt;susan&gt; coi tal .i ma krinu

&lt;taliesin&gt; xu do tirna lo selsku be la irk se pi'o lo kerlo be do

&lt;susan&gt; na go'i

&lt;taliesin&gt; la'e di'u krinu

&lt;susan&gt; je'e mi jimpe

&lt;taliesin&gt; .u'i xu do di'i nitcu lo nu ciksi fi do fe lo nu do jimpe

&lt;susan&gt; y ki'a

&lt;taliesin&gt; zo je'e lidne lo cmene be lo te cusku poi do djica lo nu djuno lo du'u do jimpe .i do pu cusku lu je'e mi li'u

&lt;susan&gt; yyyy mi krici jimpe .i ku'i le stedu be mi ca cortu .i co'o ro do

&lt;taliesin&gt; co'o susan

</code>

ni'o balvi lo masti be li ji'i re

<code>

&lt;susan&gt; coi ro do

&lt;susan&gt; do mo

&lt;broca&gt; coi susan mi tadni

&lt;susan&gt; do tadni ma

&lt;broca&gt; lo citri .i mi cuxna lo citri xe ctuca poi ne sarcu

&lt;susan&gt; .a'u ru'e citri ma

&lt;broca&gt; lo mutce purci misro .i mi bilga lo nu tadni so'o xe ctuca poi na srana lo ralju se tadni be mi .i ji'a mi ro roi cinri lo pu zu misro

&lt;susan&gt; je'e .i do ralju tadni ma

&lt;broca&gt; lo bangu saske

&lt;susan&gt; .u'i .i se ni'i bo mi na jimpe lo du'u ma kau mukti lo nu do tadni la lojban .i je'u nai zo'o

&lt;broca&gt; .u'i mi tadni la lojban te zu'e lo nu fanza lo ctuca be mi

&lt;susan&gt; .u'i sai mi ji'a stidi lo nu do di'i xusra lo si'o tu'a la sapir.uorf cu prane

&lt;broca&gt; .u'i

&lt;susan&gt; .i ji'a sai ki'u lo nu da'i la'e di'u na banzu cu stidi fa mi di'e .i do xusra lo nu do finti lo samselpla poi prane jimpe la gliban gi'e djica lo nu sy gubni binxo se pi'o la .ueb. gi'e ku'i do pu'o nelci lo tarmi be lo te pruce

&lt;broca&gt; .u'i sai

&lt;taliesin&gt; .u'i sai

</code>

ta'o la'e lu tarci bu li'u cu sinxa lo sinvi selsku ve cu'u la .irk.

<code>

&lt;taliesin&gt; doi susan do certu la lojban

&lt;susan&gt; ki'e sai tal .i mi mutce gunka

  • broca* .i ji'a do bredi

  • susan* yy mi bredi ma

  • broca* da poi rinka lo nu do cilre la lojban .i .a'o xamgu funca

  • susan* y ki'e .i co'o broca

  • broca* xamgu lo nu do na spuda .i co'o susan


</code>


Created by rlpowell. Last Modification: Tuesday 16 of January, 2007 21:42:16 GMT by rlpowell.