ni'o la .lojban. goi ko'a rutni bangu tefi'e le nu vimcu so'e cfipu se sorsmu le pu'u remna tavla .i ko'a co'a slabu so'ida ki'u le nu la si,entifikamerikan. te notci .e so'i nu sitna fa le saske cfika .e le skami karni .i la .lojban. pumo'u se zbasu ze'u ji'imuno se nanca fa so'ino gunka kujo'u so'inono sidju
ni'o so'i rutni bangu cu zasti .iku'i za'u bu'a zo'u ge la .lojban. bu'a ginai lo drata bangu cu bu'a .i mu'a tu'e
.i la .lojban. bangu loi remna pe tezu'e loi nu tavla vo'e .e da'i loi skami
.i la .lojban. na kulnu selkai steci
.i la .lojban. logji
.i la .lojban. cu satci fi leka gerna ce'u
.i le voksnaske be la .lojban. cu jai se javni gi'e satci
.i la .lojban. cu zmadu lei rarna bangu leka sampu .i frili fa lo'e nu cilre
.i la .lojban. te valsi le parenono gismu noi ke'a frili te zbasu le so'oki'oki'o lujvo
.i la .lojban. jai se javni .i pino lei javni cu sezynatfe
.i la .lojban. jai troci lenu zifre pensi sidju
.i la .lojban. pilno fi so'o da no'u mu'a lei zifre finti ku bi'i lei saske .e lei se pensi ku bi'i lei ca'a se gasnu
ni'o le dei pagbu be la .ueb. cu catni stuzi lei datni ne ra'i la .lojbangirz. noi ke'a kagni fi na'ebo loi ve vecnu gi'e sidju lenu la .lojban. farvi kei co'a le pasobizemoi nanca
ni'o mu'i lenu sidju le lojbo cecmu kei le dei pagbu cu jai troci lenu krati so'e lojbo noi na pagbu la .lojbangirz. goi ko'a .i .ui leni lojbo pagbu be la .ueb. cu dukse fi lenu le .ueb. zei sabji cu djuno fi ro pagbu .iseni'ibo so'oroi lo pagbu cu na co'e
ni'o la'e de'u jai krinu leza'i ti vasru lo datnyterjo'e be le drata pagbu .i so'o le drata pagbu cu xusra da poi na catni .i ja'a su'o le selsnu be ba'e ti cu na catni .iku'i ro da voi vi selsnu zu'o .ai skicu da fo ledu'u xukau catni
nuzba
2010-03-10|#10Mar2010 .i so'o tadni pe lo la .seint.andrus. balcu'e ku noi zvati le kotygu'e cu zbasu lo la .lojban. bende