History: Alan Libert

Source of version: 3 (current)

.i mi (mi'e ((nitcion)).) penmi la .alyn.libert. ca la 1997nan. vi le sralo skenunpenmi pe le kulnrbizantio .i la .alyn. ctuca le bauske vi le balckule pe la niukasl. pe le sralo .i la .alyn. cu ralju se cinri le xelso bangu .i mi sidju .abu pu le nunpenmi lenu cupra lo skeprosa be tu'a le gerna nuntarti be zoigy. diekpleo^ gy. (noi smuni la'elu "mo'ipa'oze'o falnymuvdu" li'u) .i le skeprosa cu jicmu le ritli se tavla be .abu beica le nunpenmi .i mi sanji ji'a lenu .abu se cinri tu'a loi rutni bangu .i mi joi .abu casnu la bab,m. (noi mupli lei bangu noi bangu jicmu claxu rutni (to zoigy. ''a priori'' gy.) ku'o) .e loi drata ni'o na ze'u tavla ku'i lenu mi nitcu lenu mi tavla lo banli certu be le nalritli ke midycedra xelso bangu .i le banli certu cu pe'i jinvi le du'u dukse leni banli kei lenu tavla mi .i le banli cu tavla mi ba'o po'o lenu lo drata zvati cu snada lenu xalfekfrigau vo'a mu'i lenu le drata cu se zdile no'i .abu djuno fi la ((lojban)). gi'enai pe'i djuno loi tcile ca lenu mi penmi .i .u'u mi ba'o lenu mi cliva le sralo na te notci fo .abu .ije mi pu najenai ca co'a tcidu le .abu cukta .i .a'o stika la'edi'u ba'o lenu xrukla la ((xaurselfunca gugde)) ---- [[ .i ba'a do catra ba'usai mi .i lo'u .alan. le'u na drani ke lojbo cmene mi'e mark. ] [[ .i do seni'i slabu lenu mi -- ''mi'e nitcion.'' -- jai nandu fai lenu drani pilno lei lojbo cmene .i ba'o cikre ]