History: ko'a marji lo rectu

Source of version: 5 (current)

__ko'a marji lo rectu__ ''fi'e la teris.bisyn.'' ko'a marji lo rectu rectu ki'a? rectu .i ko'a marji lo rectu rectu .ue .i noda se senpi .i mi'a jajgau so'oko'a le mi'a ninsisli'u marce loi vrici pagbu be le plini gi'e lanli ko'a .i piro ko'a cu rectu .i la'edi'u na se kakne .i le selcradi .e le notci be fo lo tarci cu mo? .i ko'a pilno lo cradybo'a lo nu tavla .iku'i ko'a na bacru lo cradybo'a .i lo minji cu bacru .i ma zbasu lo bi'unai minji .i.ei mi'o tavla le zbasu .i ba'e ko'a zbasu .i mi troci lo nu cusku le sedu'u lo rectu cu zbasu lo minji kei do .i mi'afra tu'a la'e di'u .i.ianai lo rectu cu zbasu lo minji .i do cpedu lo nu krici lo si'o lo rectu cu sanji kei kei mi .i mi cpedu naje minde .i ko'a po'o cu sanji gi'e xabju le va pagbu .i ko'a marji lo rectu .i xu ko'a simsa lo .orfolei lo ka tabyselcmu pensi gi'e farvi fo lo rectu? nago'i .i ko'a rectu ca'o lo nu jbena bi'o mrobi'o .i mi'a tadni ko'a ze'i so'o nunjmive .i lo rectu cu mutce zasre'i .i xu ko'a simsa lo .uedlei noi le stedu be ke'a cu vasru lo dicygapci besna? na go'i .i mi'a pensi la'edi'u .imu'ibo ko'a simsu lo .uedlei lo nu se ke rectu stedu .iku'i mi'o lanli ko'a .i piro ko'a cu rectu .i xu noda .ue besna? .i da ja'a besna .iku'i lo besna cu marji lo rectu .i mi troci lenu jmigau do la'e di'u .iseni'ibo ma pensi? do za'oku naku jimpe .i do xarnu lo nu ''co'e'' lo se cusku be mi .i lo besna no'u lo rectu cu pensi .i lo rectu cu pensi .i do cpedu mi lo nu krici lodu'u lo rectu cu pensi .i.ie lo rectu cu pensi .i lo rectu cu sanji .i lo rectu cu prami .i lo rectu cu senva .i lo rectu cu rolco'e .i do co'a jimpe .ije'i .ei mi rapli cfari? .i do junri .i .i'e ko'a marji lo rectu ki'e do .i .uo .uadai ko'a ja'a marji lo rectu .i ko'a troci lo nu tavla ma'a puca'o lo nanca be li ji'i panono bei ko'a .ue .i le vu rectu cu pensi ma? .i pamai djica lo nu tavla ma'a .i remai pe'i djica lo nu ninsisli'u le rolmunje kei .e lo nu simtavla lo drata sanji kei .e lo nu canja lo sidbo .e lo datni kei .e zu'i .i .ei ma'a tavla lo rectu .i la'edi'u sidbo .i ko'a cradi la'e de'u .i lu coi do xu do tirna .i xu do zvati li'u .e lo simsa