History: la balselfri be la ceitsa ku pamoi

Source of version: 3 (current)

sei ((la balselfri be la ceitsa|la'i balselfri be la ceitsa)) cu se pamoi be lo me dei moi sei ((la tsani|la tsani)) cu finti sei ko selpu'a .a'o !!pamo'o ni'o ca pa lo nicte la ceitsa cu klama lo zdani fo lo clani noi lo nu no'a be fo ke'a ku ditcu lo ju'o barda .i cy ba'e djica lo nu ditybra .emu'ibo lo nu lo nu catlu lo nicte tsani pe fi'o skari lo ka nobli joi prije cu pluka .i cy ze'i jinvi lo du'u lo brife cu tolcladu cusku lo sedu'u by stidi lo du'u cy nerbi'ozu'e lo cizra simlu zarci poi mlana .i cy noi lo cizra cu fadni lo ka mukti fi ke'a cu bebna tinbe mo'ine'i zy ni'o zy cmalu mutce .ibo so'i da poi dacti cu kalsa zvati de .ije no vecnu cu zvati .i sa'e simlu lo ka lo jai zekri ba'o zvati .i cy se cfipu mutce gi'e cusku lu doi brife ma mukti ja krinu lo nu do cpedu co klama ti li'u .i ku'i by spuda naku li'a ni'o cy ca'o co'a ca'o tirna lo xanka zgike ra'i lo trixe pagbu be lo zarci be'o pe fe'eba lo trixe vorme .i cy djuno naku lo du'u mokau .ei zukte .i lanli lo loldi fi'o se snada lo ka binxo co bevri lo voi tilju vau larcu ke prenu tarmi rokci .i cy masno jbibi'ozu'e lo vorme fi'o zenba be lo ni cladu kei lo zgike noi lo bi'unai zenba ni xanka pe'a fa ke'a cu te zenba lo ni se xanka joi se terpa cy vau pe'a ba'e nai .i cy jgari lo batke pe lo vorme gi'eku'i muvdu sisti fi'o mukti se tirna lo gerku cmoni sance pe ra'i lo vorme trixe .i sa'e cmoni so'iroi .iboku'i lo nu porpi sance cu fanmo lo nu cmoni .isemu'ibo cy sutra ke se kalri be lo vorme ku jai rinka ni'o lo kumfa cu barda lo ni kunti .i ku'i lo midju cu selzva lo tolci'otcemlu ke carna jai rinka ke sraku zgivei tcidu pe'aru'e ke snajaxrikmi'i noi jai krasi lo cizra zgike noi cy. pe bu'u lo kumfa ralju cu tirna .i lo bitmu pe lo ca kumfa cu drata lo jai purci lo ka makau skari .isa'e manku zmadu fauji'a lo nu lo gusni pe lo me lo cabna moi cu ruble pe'a ji'a zmadu ni'o cy nalzu'e ke jgari be le rokci prenu be'o zenba mu'i lo nu terpa ji'a zenba .i ue lo vorme pe ti'a zi'e poi cy ba'o kalgau cu ga'orbi'o co sutra co makfa simlu .i cy carmi co troci co kalgau fi'oku'i se snada noda .i co'u gusni co vanbi .ije co'u zgike co xanka .i co'a voksa .i ku'i naku voksa la ceitsa .i simlu lo ka voksa lo brife kei fa vo'a noi cy tirna ca lo nu pu'o nerbi'ozu'e lo zarci .i lo voksa cu cladu zenba ke ritli cusku padapo'o .i cusku lu manku naku .ije manku naku .ije manku naku li'u .e ri .e ri .e ri .i la ceitsa cu binxo lo ka jai fenki kei gi'e krixa carmi co cusku lu ma uanaisai krinu .i mo djica fa do li'u gi'e sfubu lo loldi fi'o zbepi lo cidni .i smaji ni'o smaji ca'o .i ju'o smaji ze'i po'o .i ku'i cy termlu lo ka smaji ba'e ze'e .i gusni co'a .i lo kumfa cu drata sei cy. se cfipu mutce .i cy ca nenri lo kumfa ralju po'u lo pamoi be lo'i selzva .i ku'i kalsa ba'o .i rozo'e zvati drani .i ti'aku lo vorme cu jai se sance lo cmalu .ije lo bi'u tordu nanmu cu barbi'ozu'e gi'e catlu cy noi ca'o cidni sanli bu'u lo kumfa midju .i ny cusku lu ti zarci lo xanri fi'i te vecnu .a'o li'u