la cibyska is a word-based card game I've adapted to Lojban. The original is called Tri-Virsity. If you like this game, buy something from them.
I've made a version of this game that runs in the VASSAL online gaming engine.
ni'o ni'o no mo'o cfari
.i la cibyska cu se kelci su'e bi remna poi se niltei lo nanca be li
su'o ze .i di'e skicu lo tadji be lo nu kelci
ni'o pa mo'o javni
ni'o pa pi pa mo'o sarcu dacti
.i pa ci re karda cu vasru ci se skari girzu poi vo pa mei gi'e se
tcita fi pa lo ro lojbo lerfu gi'e nilji'a li mu jo'u li pa no jo'u
li pa mu vau .e ci loi re boi pa mei se skari ke banli karda poi
krati ro lojbo lerfu gi'e nilji'a li re no vau .e ci ralju banli
karda poi krati ro lojbo lerfu .e ro lo ci se skari gi'e nilji'a li
re mu .i sa'e lo banli karda cu nilji'a ge la'e di'u po va'o lo nu
se ponse gi li mu po va'o lo nu cpana lo jubme
ni'o nu kelci pu'o lo nu cunso mixre lo karda
ni'o pa pi re mo'o te zukte
.i lo te zukte be lo nu kelci la cibyska cu finti lo valsi poi zmadu
li ci lo ni lerfu vau gi'e vasru lo lerfu poi gunma dunli fi lo ka
se skari .i ca'o bo ji'a cpacu za'u nilji'a
ni'o pa pi ci mo'o nunkei ve skicu
.i ko'a goi pa kelci dunda pa no karda ro kelci se ja'i lo junla
farna fi ko'a .i lo stali kardu cu binxo lo te cpacu derxi gi'e se
punji fi lo midju be lo jubme fa'a lo loldi .i lo cpana traji karda
cu se punji ca'u lo drudi gi'e binxo lo festi derxi
ni'o lo nu kelci cu se krasi lo nu lo kelci poi zunle ko'a cu cpacu
lo cpana traji karda poi nenri lo derxi poi lo kelci cu cuxna .i na
sarcu lo nu pilno lo karda poi se cuxna .i lo kelci cu ca troci lo
nu finti lo porsi be tu'a lo valsi poi vasru su'o ci lerfu vau lo
karda poi se ponse .i ji'a ra'u lo banli karda poi na ralju cu se
curmi basti ro lerfu poi dunli fi lo ka se skari .i lo ralju ke
banli karda cu se curmi basti ro lerfu poi skari ro da
.i ca lo nu lo valsi cu se finti vau lo kelci cu zifre lo nu punji
lo valsi karda lo jubme vi ra ga'a ro kelci ca lo kelka'u be ra .i
ji'a zifre lo nu ca'o ponse lo valsi kardi ca lo nu pu'o bredi lo nu
pilno ro se ponse karda .i da poi kelci cu zifre lo nu jmina lo da
lerfu lo valsi be lo drata kelci ca lo kelka'u be da .i je ni'i da'i
la'e di'u da punji lo lerfu vi da gi'e cpacu ge lo nilji'a poi srana
lo se jmina lerfu po'o gi ba'e nai lo nilji'a poi srana lo mulno
valsi .i mu'a jmina ny ce'o gy ce'o .a bu lu ji li'u lu jinga li'u
fi'o nilji'a li re no .i ji'a mu'a jmina ty ce'o .a bu ce'o dy lu ji
li'u lu tadji li'u fi'o nilji'a li re mu .i ji'a ra'u curmi lo nu
galfi lo valsi poi cpana lo jubme vau ta'i lo nu jmina lo cnino pa
moi lerfu .a lo cnino ro moi lerfu .i ku'i ba'e na curmi lo nu galfi
lo porsi be fi lo valsi
ni'o lo nu fanta lo nu lo drata kelci cu jmina lo valsi po da poi
kelci cu ka'e mukti lo nu da cuxna lo nu ca'o ponse lo karda .i la'e
di'u cu da'i ka'e snada .i ku'i .e'u nai lo nu lo drata kelci cu
pilno ro karda cu la'a nibli lo nu da to'e jinga so'i nilji'a
ni'o lo kelci cu gasnu co mulno lo kelka'u ta'i lo nu punji lo karda
lo festi derxi .i ba bo kelka'u lo kelci poi zunle .i lo nu kelci cu
se fanmo lo nu pa kelci cu ponse no karda ba lo nu festi punji .i lo
pa moi kelci poi gasnu la'e di'u cu jinga pa no nilji'a .i lo nu da
poi kelci cu djica lo nu na festi punji lo karda poi da pu zi cpacu
cu mukti je crutcini lo nu ralte ro karda gi'e cusku lo se du'u na
djica lo nu festi punji .i la'e di'u cu kajde lo drata kelci se mu'i
lo nu punji lo valsi lo jubme gi'a festi punji lo so'i mei nilji'a
karda gi'a .ue pilno ro karda .i ta'o pa kelci po'o to lo pa moi toi
cu kakne lo nu jinga pa na nilji'a ni'i lo nu pilno ro karda
ni'o ca lo nu lo kelka'u girzu cu mulno ni'i lo nu pa kelci cu pilno
ro karda vau vau kanji lo nilji'a ta'i lo nu vimcu lo nilji'a po lo
karda poi ca se ponse vau lo nilji'a po lo karda poi se punji fi lo
jubme .i jmina lo se kanji lo nilji'a liste .i lo nu kelci cu se
fanmo lo nu pa kelci cu snada lo nu ponse da poi ni nilji'a .i je da
na'o dunli li mu no no .i je ku'i ro kelci cu zifre lo nu cuxna lo
drata namcu
ni'o pa pi ci mo'o drata javni
.i lo cmene .e lo lerfu sinxa valsi cu na se curmi
.i curmi lo nu lo kelci cu lebna lo karda poi punji lo festi derxi
vau ni'i lo nu lo karda cu ka'e punji lo jubme valsi .i sarcu lo nu
ge lebna lo karda ca lo nu pu'o bavlamji kelku'a vau gi ba'e ca
punji lo karda
.i ba lo nu valsi punji vau ro kelci cu zifre lo nu pante lo lerfu
porsi .a lo smuni va'o po lo valsi .i javni lo nu lo kelci poi punji
lo valsi cu djuno lo drani ke lerfu porsi ba'e .e lo muni .i lo nu
lo lerfu porsi cu na drani cu nibli lo nu xruti lo valsi lo se jgari
gi'e vimcu re mu nilji'a lo kelci poi na drani .i lo nu ge lo lerfu
porsi cu drani gi ku'i lo smuni cu na drani cu nibli lo mintu ve
sfasa .i ku'i ca lo bavlamji kelka'u lo kelci cu kakne lo nu re re'u
punji lo valsi vau ki'u lo nu ca djuno lo smuni .i ku'i sai lo nu lo
lerfu porsi ba'e .e lo smuni cu drani cu nibli lo nu ge lo kelci poi
pante cu te vimcu re mu nilji'a gi lo se pante kelci cu zifre lo nu
festi punji .i lo nu pante cu nitcu lo nu pilno lo vlacku
.i lo kelci cu jinga lo pilji lo nilji'a li re ni'i lo nu ge pilno
ro karda gi ro karda poi se punji cu dunli fi lo ka se skari .i ji'a
lo banli karda cu curmi va'o la'e di'u
ni'o re mo'o drata tadji
.i zu'u zenba lo ka nandu vau ta'i lo nu nitcu lo valsi poi vasru
su'o vo lerfu .i je pilno pa re karda .i ji'a nitcu lo su'o mu mei
valsi .i je pilno pa mu karda .i zu'u nai jdika lo ka zmadu ta'i lo
nu nitcu lo re mei valsi
.i zenba lo ka pluja vau ta'i lo nu curmi lo fange valsi gi'a nitcu
lo valsi poi srana da poi se vasru lo zdani gi'o nai srana lo bukpu
gi'o nai drata
.i troci lo nu kelci se cau su'o banli karda
.i lo girzu cu kakne lo nu kelci ta'i lo nu jmina lo girzu nilji'a
.i pilno lo nandu zenba tadji ce'e lo certu kelci pe'e je lo nandu
jdika tadji ce'e lo to'e certu kelci
ni'o ci mo'o pa mei nunkei
ni'o ci pi pa mo'o te zukte
ni'o pa kelci cu troci lo nu punji lo valsi poi vasru su'o ci lerfu
.i pu'o bo lo xanri kelci cu mulno re loi mu pa mei se skari karda
poi frica lo ka skari .i na sarcu lo nu le xanri kelci cu finti lo
valsi
ni'o ci pi pa mo'o pa mei nunkei ve skicu
ni'o pa kelci cu dunda pa no karda ce'e ri pe'e je pa no karda ce'e
le xanri kelci poi se crane fi lo drudi .i lo karda po le xanri
kelci cu porsi tu'a lo se skari .i lo nu le xanri kelci cu te dunda
lo ralju banli karda cu nibli lo nu punji ri lo cnita be lo te cpacu
derxi gi'e cpacu lo ji'a karda .i lo nu kelci cu simsa lo fadni
nunkei .i kelka'u le kelci ba'o lo nu le xanri kelci cu cpacu pa
karda lo te cpacu derxi .i le xanri kelci cu troci lo nu mulno re
loi mu pa mei se skari karda poi frica lo ka skari .i lo nu le xanri
kelci cu ponse za'u mu karda be te du'i lo ka skari cu nibli lo nu
punji lo dukse karda lo festi derxi .i lo nu le xanri kelci cu ponse
ci karda se skari gi'e na ponse re loi mu skari cu nibli lo nu punji
pa karda po lo cmalu traji se skari lo festi derxi mu'i lo nu jmina
lo drata se skari .i lo nu go nai le kelci cu pilno ro karda gi le
xanri kelci cu ponse re loi mu skari cu fanmo lo nu kelci
ni'o ci mo'o datni
.i mulno kancu lo karda li pa ci re
.i ro lo ci se skari cu vasru vo pa na'e banli karda
.i ro lo ci se skari cu vasru re se skari banli karda
.i ci ralju banli karda cu zasti
.i ro se skaci cu mintu
.i di'e liste lo nilji'a .e lo klani vu'o po lo lerfu
| lerfu | klani | nilji'a |
| i | 4 | 5 |
| a | 3 | 5 |
| o | 3 | 5 |
| e | 3 | 5 |
| u | 2 | 5 |
| n | 2 | 5 |
| c | 2 | 5 |
| r | 2 | 5 |
| l | 2 | 5 |
| s | 2 | 5 |
| ' | 2 | 5 |
| m | 2 | 10 |
| t | 1 | 10 |
| d | 1 | 10 |
| k | 1 | 10 |
| b | 1 | 10 |
| p | 1 | 10 |
| j | 1 | 10 |
| g | 1 | 10 |
| x | 1 | 10 |
| v | 1 | 15 |
| z | 1 | 15 |
| y | 1 | 15 |
| f | 1 | 15 |