{DIV(float=>right)}{IMG(attId="707" height=180 stylebox=border imalign=right desc=jbonunsla de'i li 2010)}{DIV}ni'o la lojban. goi ko'a rutni bangu tefi'e le nu vimcu so'e cfipu se sorsmu le pu'u remna tavla .i ko'a co'a slabu so'ida ki'u le nu la sa,ientifikamerikan. te notci .e so'i nu sitna fa le saske cfika .e le karni be le skami .i la lojban. pumo'u se zbasu ze'u ji'imuno se nanca so'ino gunka kujo'u so'inono sidju
ni'o so'i rutni bangu cu zasti .iku'i za'u bu'a zo'u ge la lojban. go'o bu'a ginai lo drata bangu cu bu'a .i mu'a tu'e
.i la lojban. bangu loi remna pe tezu'e loi nu tavla vo'e .e da'i loi skami
.i la lojban. na kulnu selkai steci
.i la lojban. logji
.i la lojban. cu satci fi leka gerna ce'u
.i le voksnaske be la lojban. cu jai se javni gi'e satci
.i la lojban. cu zmadu lei rarna bangu leka sampu .i frili fa lo'e nu cilre
.i la lojban. te valsi le parenono gismu noi ke'a frili te zbasu le so'oki'oki'o lujvo
.i la lojban. jai se javni .i pino lei javni cu sezynatfe
.i la lojban. jai troci lenu zifre pensi sidju
.i la lojban. tutci so'o da no'u mu'a lei zifre finti ku ce lei saske .e lei se pensi ku ce lei ca'a se gasnu
ni'o le dei pagbu be la ueb. cu catni stuzi lei datni ne ra'i la lojbangirz. noi ke'a kagni fi na'ebo lonu rupnu se prali gi'e sidju lenu la lojban. farvi kei co'a lo detri be li pasobize
ni'o mu'i lenu sidju le lojbo cecmu kei le dei pagbu cu jai troci lenu krati so'e lojbo noi na pagbu la lojbangirz.
.i su'o le selsnu be ti cu na catni .iku'i ro da voi vi selsnu zo'u .ai skicu da fo ledu'u xukau da catni
ni'oni'o nuzba
ni'o nuznoi de'i li 2010 pi'e 6 pi'e 22|#22June2010 .i loi gismu pacinonomei ku jo'u loi rafsi pe ri ca mo'u se punji fi lo se mutpapri poi se cmene la'o zoi. Quizlet .zoi. .i ra se cmigau fi rebi selcmi fi'o te jmina lo paxabimei .i lei so'imei be le'i selcmi noi se cmigau lo frica cu filgau lo nu morji tu'a lo jbovla. .i zu'unai la esperanton. fa'u la. interlinguas. fa'u la tokis.ponas. fa'u la. .idon. fa'u la klinon. ckaji loka ponse rezevo cmima fa'u rere cmima fa'u rere cmima fa'u pabi cmima fa'u pano cmima