la tedyxàmsi

ni'o ni'o pa mo'o

lo sònci be bu'u lo bùmru

ni'o lo dàplu no'u la. gont. zi'e noi sèlpau pa cmàna ku po'o noi lo galraìpau be ke'a cu gàlmau lo vilbì'e se bikydà'i berstunyxàmsi lo mìnli cu zìlsau lo ka gùgde lo màfcre .i vei na'e bo so'u lo nànmu xàbju be la. gont. cu clìva lo za'u tcàdu pe lo gàltu ma'arbì'i ge'u joi lo jàrki je mànku zbàni te zu'e lo nu go nai sèlfu lo tùrni be lo dàplu tùtra bu'u lo ri tcàdu lo ka termàkfa gi'o nai màfcre gi mu'i lo zancapsèlfri cu lìtru te ka'a pa dàplu se ka'a lo dràta gi'e pìlno lo màkfa bu'u pi ro lo tùtra pe la tedyxàmsi .i cmìma ro lo bi'u nai prènu —sei so'o da cu jìnvi— fa da poi lo dràta cu te cmène fi ke'a fe zo cipnìsu zi'e po'u lo bàlrai .i je'u tràji lo ni lìtru kei gi'e zanselfù'a lo nu bìnxo lo dràkytru kei gi'e ba za bo se cmicù'a bìnxo lo ralmàfcre .i ba'e fu'e la me la. ged. selsà'a fu'o .e so'i dràta selsà'a cu te lìsri lo ra nunzù'e