History: le gusta co minde mutce

<p style="text-align: center;"><span style="font-family: Verdana;"><span style="font-size: x-large;"><strong>le gusta co minde mutce</strong></span></span></p> <p style="text-align: center;">&#160;<span style="font-family: Verdana;"><br /> <span style="font-size: small;">fi'e la'o py. 宮沢賢治 .py. ( la'o gy. Miyazawa Kenji .gy. ) ca lo nanca be li 1924</span><br /> </span></p> <p style="text-align: center;"><span style="font-size: small;"><span style="font-family: Verdana;">fanva fa la .tijlan. zoi py. 注文の多い料理店 .py. ( la'o gy. The Restaurant of Many Orders .gy. )</span></span></p> <p style="text-align: center;">&#160;</p> <p style="text-align: justify;"><span style="font-size: small;"><span style="font-family: Verdana;">ca'oku lo cmana condi co sa'ei .kasakasas. tricypezli cu se cadzu re citno nanmu sekai lo ka brito sonci simlu kei fau lo za'i jancybevri lo sa'ei .pikapikak. ceclyxarci gi'e se kansa re blabycribe pe'a gerku gi'e cusku tu'e lu<br /> su'a le'i vi cmana cu xlali .oi .i no sai zo'e ga'i vi cipni jonai vlilydanlu vau .oi .i .au.o'inai fe zo'e .e'inai sa'ei .tantaan. gunta<br /> li'u .i lu<br /> da'i piso'o dantyfriti fi lo jirnydza ke pelxu betfymlana zo'u .ei mutce pluka ba'a .i da'i ri sa'ei .kulkul. carna gi'ebabo paunai loldyfarlu tai ma .a'u.u'i<br /> li'u tu'u .i ke'u la'e de'u fasnu vi lo cmana condi .i condi fau lo nu puku se ke terpa je rivbycliva lo&#160; gidva&#160; poi ceclyxarci certu .i je mu'i lo za'i le cmana cu tai dukse vlipa kei ro le bi'unai blabycribe pe'a gerku cu kanlyxalni gi'e ze'a krixa gi'e vamtu loi fonmo gi'ebabo morsi binxo .i lu<br /> je'u mi ba'o ka rupnu be li revonono kei cirko<br /> li'u se cusku pa le nanmu goi ko'a fau lo zu'o laftygau lo le gerku ku kanlygacri .i lu<br /> mi zo'u ka rupnu be li rebinono<br /> li'u se cusku le drata goi ko'e fau lo za'i stedu vreta gi'e xenrysteba simlu .i ko'a co'a se flirytcima lo xlali ru'e gi'e catlu ko'e secu'u lu<br /> mi .aipe'i xrukla<br /> li'u .i lu<br /> .o'e mi ji'a zo'u co'a ganse lo ka ge lenku gi xagji .i xrukla .aipe'i<br /> li'u .i lu<br /> ki'uku nau .uo sisti .ai .i .u'ucu'i ba'a xruklama fau lo nu le prulamdei xotli .i'a cu vecnu lo cmanyjipci fi lo rupnu be li pano<br /> li'u .i lu<br /> puku go'i fe loi ractu</span></span><span style="font-size: small;"><span style="font-family: Verdana;"> ji'a</span></span><span style="font-size: small;"><span style="font-family: Verdana;"> .i ja'o va'o caba na fu'i frica .i ki'uku gasnu .aipeinai<br /> li'u .i ku'i bu'odai lo nabmi zo'u lo du'u ma kau drani pluta cu co'u se jijnu .i co'a sa'ei .douf. brife gi'e sa'ei .za,uaza,uaz. tricypezli gi'e sa'ei .gotongoton. mudri .i lu<br /> .ro'o betfu kunti .i ju'a lo mlana ze'a se cortu .oiro'osai<br /> li'u .i lu<br /> go'e ra'o .i si'o cadzu .aubu'onairu'e<br /> li'u .i lu<br /> cadzu .aunai .i .oiro'e .i .auro'o citka<br /> li'u .i lu<br /> citka .au.ie<br /> li'u .i la'e de'u cu'u le reldza cu se vanbi loi sa'ei .za,uaza,uaz. srasygunma .i caku lo mu'e fa'ati'a catlu zo'u zvati fa pa kamnobli ropno zdani .i fi'o se dandu lo pevymoklu cu tcita secu'u zoi zoi<br /> <br /> RESTAURANT<br /> WILDCAT HOUSE<br /> <br /> zoi .i lu<br /> doido'u .i .a'inaisai .i ti to'eki'unai lo za'i tai vanbi ce'u kei ca'a kagni stuzi zo'e .i .aipeinai mi'o nenrykla<br /> li'u .i lu<br /> .uanai tai zvati ti vau .a'e .i ku'i ba'ado'a vi ka'e nu citka zo'e<br /> li'u .i lu<br /> ju'osai go'i .i secu'u tcita .ianainai<br /> li'u .i lu<br /> nerkla .aipeinaibu'o .i mi ja'eda'i lo mu'e tolcikna binxo cu nu citka djica<br /> li'u .i le reldza cu sanli vica'u le bi'unai moklu poi se greku lo blabi stakybliku zi'e noi ki'u nobli ckaji je'u .i ri se vorme lo blaci poi ve cusku lu<br /> <br /> <em>doi ro do ga'i do'u .e'o ko nenri .i na fanta tu'a ko</em><br /> <br /> li'u .i le reldza cu mutce gleki secu'u lu<br /> .u'e .i ba'acu'i lo munje cu ba'o jai va'u selzbasu ku'inai .i ze'u lo cabdei pu raktu gi'ebabo tai xamgu tcini .i ju'o le ti zdani cu ka'e gusta co nonjdima selfu mi'o<br /> li'u .i lu<br /> za'a go'i ju'o .i lu na fanta tu'a ko li'u .ei se smuni di'u<br /> li'u .i le reldza le vorme cu mo'ine'i catke .i ze'obo fe'eco'a bitmypluta .i ti'a le se go'e co blaci cu cusku lu<br /> <br /> <em>.i je sa'e mutcyselfu lo plana ja citno ku fi'isai</em><br /> <br /> li'u .i semu'ibo le reldza cu za'ure'u mutce gleki .i lu<br /> doido'u .e'e mi'o ca ca'a mupli le ka mutcyselfu ce'u<br /> li'u .i lu<br /> mi'o mupli ba'e ro le se go'i vau mu'anai<br /> li'u .i lo nu bancyklama fo le bitmypluta zo'u zvati fa lo tsanyblanycinta vorme .i lu<br /> ge'e cizra zdani .i ni'i ma fe'eso'iroi vorme vau .uanai<br /> li'u .i lu<br /> ti jai ruskytadji .i va'o lo lenku .a lo cmana ku ro zo'e tai ckaji<br /> li'u .i pu'o lo mu'e kalrygau le vorme cu facki lo za'i ga'u cusku lu<br /> <br /> <em>.i mi'a gusta co minde mutce .i la'e di'u ki'u se sanji ko ga'inai .e'o</em><br /> <br /> li'u .i lu<br /> pe'i ti misno selvitke ru'enai .i to'eki'unaibo tai cmana condi stuzi<br /> li'u .i lu<br /> go'e .oicu'iro'e .i ba'anaidai.e'o so'usai lo misno gusta pe la .tokion. cu se stuzi lo barda dargu<br /> li'u .i secu'uku le reldza cu kalrygau le vorme .i babo te cusku fo le ri trixe fe lu<br /> <br /> <em>.i dai ba minde mutce .i .e'o ko ga'inai roroi renvi</em><br /> <br /> li'u .i lu<br /> .oi ti sa'e se smuni ma<br /> li'u .i ko'a mu'e frumu .i lu<br /> pe'i go'i lo du'u lo minde cu ni'igi mutce gi fanta .oi.u'udaidai lo nu sabji cu sutra<br /> li'u .i lu<br /> go'i ro'e .i .au.o'inai nenri lo kumfa<br /> li'u .i lu<br /> .i je .au jubme<br /> li'u .i bu'ocu'idai steba lo nu za'ure'u vorme .i ne'aku dandu fa lo minra .i ni'aku zvati fa lo clani grana joi burcu .i fo le vorme cu xunre lerfu cusku lu<br /> <br /> <em>.i doi .io vitke do'u .e'o ko ga'inai vi gasnu lo nu ge lei kerfa cu cnici gi lei cutci cu jinsa lo dertu</em><br /> <br /> li'u .i lu<br /> ba'acu'iro'e .u'enai to'e cizra .i ba'anai vi le moklu mi do'a pu na'e sinma ki'u le nu tai cmana vanbi<br /> li'u .i lu<br /> tadji tinsa gusta .i pe'i cafne se vitke loi sekai nobli prenu<br /> li'u .i mu'iku le reldza cu gasnu tu'a lei kerfa .e lei cutci .i babo mo paunai .i bazi lo mu'e fi le tanbo cu punji le burcu kei ge ri sa'ei .vouf. kambumru canci gi sa'ei .douf. brife mo'ine'i le kumfa .i le reldza cu mu'igi se jenca gi jmaji simxu gi'e vlile kalrygau le vorme seka'a le lamji kumfa .i lo du'u ganai da'i na sutra kenro bo zenba va'u loi glare selcidja gi ba tceraktu fasnu kei se smadi le reldza .i ne'iku za'ure'u vorme secu'u lu<br /> <br /> <em>.i .e'o ko le ceclyxarci ku joi lei danti ti punji</em><br /> <br /> li'u .i lo mu'e catlu zo'u vine'a xekri tanxe .i lu<br /> .oinairo'e .i no zo'e flalu lo nu citka fi'o se jgari lo ceclyxarci<br /> li'u .i lu<br /> ki'anai ji'a .ia loi sekai tcenobli cu cafne vitke<br /> li'u .i le reldza lo ceclyxarci .e lo skapydasri cu toltagjygau gi'e punji fi le tanxe .i za'ure'u vorme poi xekri secu'u lu<br /> <br /> <em>.i .e'o ko toldasnygau le mapku .e le kosta .e le cutci</em><br /> <br /> li'u .i lu<br /> pe'ipei .i mi'o go'e xu<br /> li'u .i lu<br /> .i'anainai go'e .i .iasai.ei loi tcenobli va zvati<br /> li'u .i le reldza cu genxu dandygau lo mapku .e lo kosta gi'e toldasnygau lo cutci gi'e pa'o le vorme ku sa'ei .petapetat. mo'ine'i cadzu .i ti'a ri cusku lu<br /> <br /> <em>.i .e'o ko vi punji le cnebydasrypijne .e le batknkafsa .e le kanlyblaci .e le jdinydakli .e ro lo drata jinme to sa'e lo jipnykinli</em><br /> <br /> li'u .i vine'aku lo xekrycinta je nobli snurytanxe ba'acu'i tai moklu kalri se stuzi .i kansa fa lo ckiku ji'a .i lu<br /> .oinairo'e .i simlu lo ka va pilno lo dikca lo nu jukpa .i tu'e lo kamjinme dacti cu va'o ckape .i ra'ucu'i lo ba'e sa'e jipnykinli cu ckape tu'u .i di'u smuni .ia<br /> li'u .i lu<br /> go'i .ia .i ni'iku .uaru'e pleji vi ti xu ca lo nu cliva<br /> li'u .i lu<br /> go'i la'a<br /> li'u .i lu<br /> go'i ju'o<br /> li'u .i le reldza ro le kanlyblaci .e le batknkafsa .e le drata cu toldasni gi'e gasnu lo nu se vasru lo snurytanxe .i sa'ei .patcin. stelygau ri .i vaku za'ure'u vorme poi ca'u ke'a pamei blaci patxu .i fo le vorme cu cusku lu<br /> <br /> <em>.i .e'o ko gasnu lo nu le do flira je xance je jamfu cu ve'e se gacri lei kruji pe le patxu</em><br /> <br /> li'u .i lo mu'e catlu zo'u je'u lo nenri be le patxu cu kruji co ladru .i lu<br /> se gacri loi kruji vau ki'a<br /> li'u .i lu<br /> ti zo'u tu'e lo bartu cu mutce lenku za'adai .i da'i ri'a lo za'i lo kumfa nenri cu dukse glare kei fasnu fa loi skapyfenra .i tu'a ri se fanta ti tu'u .i bu'ocu'i va se zvati loi tcebanli .ia prenu .i .a'o.i'i mi'o tu'i lo ku'i tai vanbi cu co'a jikca lo noblylanzu<br /> li'u .i le reldza cu gasnu lo nu lei patxu kruji cu gacri le flira .e le xance .e to toldasnygau lo smoka toi le jamfu .i mu'i lo za'i ru'i se vasru le patxu kei ro le reldza tai lo zu'o gacrygau fi le flira fe lei kruji cu mipri citka ri .i babo zi to'e cando kalrygau le vorme .i ti'a ri cusku lu<br /> <br /> <em>.i xu do ba'o banzu gacri gasnu .i le kerlo ji'a xu cu banzu se gacri</em><br /> <br /> li'u .i vi ti cmalu patxu pe loi kruji .i lu<br /> je'usai mi ba'o na go'e .i .ii mi pupu'o ri'a kerlo skapyfenra .i ju'o le ti gustyjatna cu kurji sanji<br /> li'u .i lu<br /> .ie .i satci sanji .e'edai .i zu'unai mi nu co'a citka sutra .auku'i .i na'e sidju fa lo nu tai ru'i bitmypluta<br /> li'u .i vica'uku lamji vorme secu'u lu<br /> <br /> <em>.i bazi jukpa mulno .i ju'o ditcu me'i lo mentu be li pamu .i nu zi citka cumki .i .e'o ko sutra gasnu le mu'e le do stedu cu se carvi le pancydjacu pe le botpi</em><br /> <br /> li'u .i ca'u le vorme cu solji carmi botpi .i fe loi ri pancydjacu fa le reldza fa'a le stedu cu sa'ei .patcapatcatc. carvi gasnu .i ku'i je'u le go'i ge'edai cu se panci lo sarvanju .i lu<br /> ti ka sarvanju .uanai pancydjacu .i ni'ibo mo<br /> li'u .i lu<br /> la'a srera .i da'i lo gunpre fau lo za'i bilma cu pu fliba lo nu canja<br /> li'u .i le reldza seka'a lo bancu cu kalrygau le vorme .i ti'a ri barda lerfu cusku lu<br /> <br /> <em>.i dai le pu'u lo minde cu ranji cu fanza .iepeiru'e .i .uudai.uo ri'e .i .uo la'edi'e po'o lamji .i .e'o ko ve'e danrysatre le xadni lei silna be ne'i le patxu</em><br /> <br /> li'u .i za'adai vi blanu staku nobli patxu pe loi silna .i ku'i ba'e caroi le reldza cu terpa gi'e mu'e simxu catlu le flira noi ba'o mutce co se gacri loi kruji .i lu<br /> ge'e cizra ju'a<br /> li'u .i lu<br /> go'i du'o mi ji'a<br /> li'u .i lu<br /> lu minde mutce li'u zo'u minde fa ta fe mi'o vau .ua<br /> li'u .i lu<br /> zo gusta zo'u du'o mi ni'iku gusta nu'i genai fe lo cidja fi lo vitke gi fe lo vitke fi lo gusta nu'u ju'a .i ni'iku la'edi'u se smuni .y. jy. jy. jy. ja'o lo du'u my. my. mi'o ...<br /> li'u .i co'a sa'ei .gatagatagatagatat. desku seri'a lo za'i bacru nandu .i lo'u<br /> .y. my. mi'o ... .iicai<br /> le'u .i sa'ei .gatagatagatagatat. desku gi'e za'i bacru nandu .i lo'u<br /> .ei.cliv...<br /> le'u .i sa'ei .gatagatat. ko'a tu'a le ti'a vorme catke troci .i .uedaiku'i ri to'esai muvdu .i va za'ure'u vorme poi ke'a fe'ereroi se ckikykevna co barda zi'e poi ve'i jarco lo kamrijno tarmi be lo forca je dakfu ku'o secu'u lu<br /> <br /> <em>.i bu'o .a'i.o'unaiba'anaidai .i mutce mansa .uosai .i fi'isai ko ga'inai mo'i nenri</em><br /> <br /> li'u .i ji'asai to'o le ckikykevna ku re blanu kanlybolci sa'ei .kiorokioror. cu fa'a ti catlu .i lu<br /> .iisai<br /> li'u sa'ei .gatagatagatagatat. .i lu<br /> .iisai<br /> li'u sa'ei .gatagatagatagatat. .i le reldza co'a klaku .i babo ze'o le vorme cu sa'ei .kosokosos. kamymipri bacru secu'u tu'e lu<br /> .a'onai.i'i .i za'a.i'i ba'o se facki .i .i'i na .aidai.oi gasnu tu'a lei silna<br /> li'u .i lu<br /> .uenaisai .i le ju'a la jatna cusku tadji cu xlali .i le nu ba'e bu'uku te notci lu dai le pu'u lo minde cu ranji cu fanza .iepeiru'e .i .uudai.uo ri'e li'u .ionai zo'u bebna .e'edai<br /> li'u .i lu<br /> .a'ucu'isai.i'i .i ka'u ba'a.uinai mi'o na se fatri lo do'a bongu do'anaidaisai.oi<br /> li'u .i lu<br /> go'i .ie .i ku'i lo nu da'i ti na'e mo'u se nerkla ra zo'u mi'o fuzme ju'opeinai<br /> li'u .i lu<br /> klamycpedu .aipei .i .ai .i coi doi .io vitke .i ko sutra lo nu klama .e'o .i klama klama .e'o .i loi palta dai cu ba'o jinsa .i je loi .a'a kobli dai cu ba'o silna mixre .i lo lamji zo'u po'o gasnu lo nu do .io joi lei kobli cu kansa simxu gi'e cpana lo ba'e blabi palta .i .e'o sutra klama<br /> li'u .i lu<br /> coi klama klama .e'o .i xuku'i .io na'e nelci lo nu salta .i ganai go'i gi .e'u co'a gasnu lo nu fagri gi'e jelca .u'adai kei vau .iepei .i sa'u sutra klama .e'o<br /> li'u tu'u .i le reldza zo'u ri'a lo nu menli se xrani kei lo flira cu ba'o simsa lo sa'ei .kcakcac. peljyfesti .i </span></span><span style="font-size: small;"><span style="font-family: Verdana;">fau lo mu'e simxu catlu lo go'i cu sa'ei .vurvur. desku gi'e voksa claxu klaku .i ze'oku sa'ei .fuf.fuf. cmila gi'e cladu cusku lu<br /> klama klama .e'o .i ganai do tai klaku gi loi .u'aba'anai kruji cu ba flecycliva pe'ipeinai .i .i to vi'o zi lebna bevri toi .i .i fi'iju'isai sutra klama .e'o<br /> li'u .i lu<br /> sutra klama .e'o .i la jatna .io za'o za'i cutnybukpu dasni jeke dakfu jgari jeke tance mosra ke'e denpa tu'a do doi .io vitke<br /> li'u .i le reldza cu klakyklaku klakyklaku klaku .i cabo to'oti'a bacru lu<br /> sa'ei .uan.uan.guan.<br /> li'u .i jai daspo be le vorme be'o plipe nerkla le kumfa fa re le bi'unai blabycribe pe'a gerku .i le pe le ckikykevna ku'o kanlybolci cu zisai to'o cliva .i le gerku ge ze'a ke cmoni clupyklama ne'i le kumfa gibabo fau lo mu'e za'ure'u pavykrixa kei sutra plipe fa'a le lamji vorme .i ri sa'ei .gatar. kalri binxo ja'e lo nu ro le gerku cu se sakci pe'a pa'o klama .i ne'i lo ze'o le vorme ku manku cu bacru lu<br /> sa'ei .niaaon.kuaan.gorgor.<br /> li'u .i babo lu<br /> sa'ei .gasagasas.<br /> li'u .i le kumfa sekai lo ka danmo cu mu'e canci .i le reldza va'o loi srasu ri'a lo nu lenku cu sa'ei .vurvur. desku gi'e sanli stali .i lo mu'e catlu zo'u le taxfu .e le cutci .e le cnebydasrypinje cu go dandu lo va ricyjimca ginai cunsycpana lo vi ricygenja .i sa'ei .douf. brife .i sa'ei .kasakasas. tricypezli .i sa'ei .gotongoton. mudri .i sa'ei .fuun. le gerku cu cmoni xrukla .i je ra'i lo trixe zo'e krixycusku lu<br /> doi jatna .i doi jatna<br /> li'u .i le reldza cu ri'a di'a menlykenro gi'e krixycusku lu<br /> doido'u ju'i .i doido'u ju'i .i vi ti ju'i .i ko sutra klama<br /> li'u .i klama fau lo zu'o sa'ei .za,uaza,uaz. catke loi srasu kei fa le bi'unai noi dasni lo maxrymapku ku'o kaltycertu .i cabo le reldza cu di'asai snura cinmo .i citka loi poi le kaltycertu cu bevri ke'a ku'o rismybolci .i xrukla la .tokion. fau lo mu'e ca'o te vecnu so'usai cmanyjipci kei .i ku'i le poi pu paroi binxo lo simsa be lo peljyfesti ku'o flira po'o baji'a lo mu'e go'i kei caji'a lo mu'e glarydjacu jinru keize'e na se xruti fi lo purci</span></span></p> <p style="text-align: center;"><span style="font-size: small;"><span style="font-family: Verdana;">fa'o</span></span></p>