History: lo melbi plini

Source of version: 8 (current)

This is a short-story ((Timo Paulssen|I)) came up with recently. it's not really anything great, but it's a start and i hope i'll be able to come up with better stuff in the future.

Additional note: this story is on the dot side, so don't complain about the la in the beginning of its' main characters name.



lo kensa marce cu nenri klama lo varxamsi tai lo nu mutce desku je cladu .i lo
blanu cu muvdu fo lo bartu be lo canko
.i la .laif. se catke fa'a lo stizu gi'e tsali jgari lo jitro cabra
.i se ri'a nai bo farli'i vofli .i sa'e kruvi be fi so'a da vofli .i sa'e sai
mutce desku vofli

.i la .laif. toljundi lo nu desku kei .e lo nu se catke
.i ly djica lo nu cpana lo plini vau po'o

ni'o so'i pendo be ly pu klama jenai cliva lo plini
.i ji'a na benji lo selsku .i ji'a na jungau ly lo du'u klama py
.i po'o canci

ni'o ly da'ergau loi batke .i ku'i na sance ri'a loi cladu sance be lo nu vofli
.i ji'a ly de'a tirna ri'a lo nu traji cladu
.i lo kensa marce cu jungau ly lo du'u ba spofu .i ly prami ky my .i ku'i na
zmapa'i loi pendu poi pu canci
.i mutce djica si ba'e nitcu lo nu facki lo du'u ma kau krinu lo nu klama

ni'o tai lo dukse nu cladu kei lo kensa marce cu masno binxo
.i tai lo traji nu desku kei lo kensa marce cu sisti binxo
.i tai lo smaji nu malsku kei ly sanli binxo

ni'o lo kensa marce cu spofu
.i ly na ka'e cliva ta'i lo nu lo stizu cu cnita muvdu ki'u lo nu lo crane cu
nenri lo dertu
.i ly katna lo to spofu toi ve lasna gi'e tikpa lo canko
.i pu lo nu traji tsali tikpa kei lo canko cu porpi
.i lo lenku vacri pe ky my se basti lo mliglare vacri pe lo bartu
.i la .laif. cladu vasxu

ni'o lo tumla cu cizra ly .i lo loldi cu sasfoi .i lo tsani cu blanu je
jai dilnu .i ly ca lo nu vofli kei viska lo xamsi e lo ricfoi
.i ca lo nu darno lo plini kei py simsa lo nu melbi je ku'i fadni
.i ca lo nu cpana lo plini kei py simsa lo nu mutce si traji melbi
.i ly cinmo lo cizra je cnino

ni'o py pu zu se cliva .i loi xabju za'o pilno py lo nu jmive
.i ro vasxu pu gau se basti lo bilma rinka 
.i je loi xabju ba lo nu facki je jimpe kei cliva
.i lo nu lo nu cliva cu suksa cu krinu lo nu lo nu cliva troci cu se fliba
.i ro pu xabju be py mrobi'o ne'i lo xlali li'a marce .i je my vlile pencu lo
darno be py plini .i se badri lisri sei ly pensi

ni'o ca lo nu pensi kei ly cadzu lo ranti sasfoi gi'e pencu lo pilka be lo
tricu .i zasti fa so'u sasfoi e so'u tricu vi lo plini pe ly
.i ma rinka sei ly pensi lo nu lo srasu e lo tricu ka'e jmive vi .i ma rinka lo
nu .ue mi ka'e vasxu se ri'a nai lo nu mrobi'o kei se pi'o nai
lo vacri lumci cabra .i la'e di'u cizra ly
.i ri'a lo nu cadzu kei ly zvati lo korbi be lo cmana poi ly cpana .i ly zgana
lo simsa be lo kensa marci .e lo zdani .i za'a lo spofu kensa bo marci pu se
katna gi'e te zbasu lo zdani gau la'a lo kensa marce gidva .i ly co'a cadzu
History: lo melbi plini

Source of version: 8 (current)

Search Lojban Resources
