WikiDiscuss

Posted by xorxes on Tue 14 of Dec, 2004 19:33 GMT posts: 1912

> ni'o ni'o no mo'o cfari
>
> .i la cibyska cu se kelci su'e bi remna poi se niltei lo nanca be li su'o ze
> .i di'e skicu lo tadji be lo nu kelci

i xu lo ka ce'u se niltei lo nanca be li su'o ze
cu frica lo ka ce'u nanca li su'o ze

> ni'o pa mo'o javni
>
> ni'o pa pi pa mo'o sarcu dacti
>
> .i pa ci re karda cu vasru ci se skari girzu poi vo pa mei gi'e se tcita fi
> pa lo ro lojbo lerfu gi'e nilji'a li mu jo'u li pa no jo'u li pa mu vau .e ci
> loi re boi pa mei se skari ke banli karda poi krati ro lojbo lerfu gi'e
> nilji'a li re no vau .e ci ralju banli karda poi krati ro lojbo lerfu .e ro
> lo ci se skari gi'e nilji'a li re mu .i sa'e lo banli karda cu nilji'a ge
> la'e di'u po va'o lo nu se ponse gi li mu po va'o lo nu cpana lo jubme

ma stura lo sumti be zo nilji'a i xu lo karda cu nilji'a lo namcu
i e'u zo vamji i mu'a lo banli karda cu vamji li re no lo kelci
lo nu ky ca'o jgari by ky lo xance i je by ky vamji li mu lo kelci
lo nu ky ba'o punji by ky lo jubme

> ni'o nu kelci pu'o lo nu cunso mixre lo karda
>
> ni'o pa pi re mo'o te zukte
>
> .i lo te zukte be lo nu kelci la cibyska cu finti lo valsi poi zmadu li ci lo

.... cu nu finti ...

i lo valsi ka'e zmadu lo drata valsi lo ni lerfu
i xu lo valsi ka'e zmadu li ci lo ni lerfu

> ni lerfu vau gi'e vasru lo lerfu poi gunma dunli fi lo ka se skari .i ca'o bo
> ji'a cpacu za'u nilji'a

e'u lu jinga lo so'i kantu

> ni'o pa pi ci mo'o nunkei ve skicu
>
> .i ko'a goi pa kelci dunda pa no karda ro kelci se ja'i lo junla farna fi

.... cu dunda fi ro kelci fe pa no karda ...

> ko'a .i lo stali kardu cu binxo lo te cpacu derxi gi'e se punji fi lo midju
> be lo jubme fa'a lo loldi .i lo cpana traji karda cu se punji ca'u lo drudi
> gi'e binxo lo festi derxi

e'u lu fa'a lo cnita li'u e lu fa'a lo gapru li'u e lu galtu traji
karda li'u i xu na cumki fa lo nu kelci bu'u lo bartu be lo dinju
i ma zmadu ma lo ka cpana

> ni'o lo nu kelci cu se krasi lo nu lo kelci poi zunle ko'a cu cpacu lo cpana
> traji karda poi nenri lo derxi poi lo kelci cu cuxna

pe'i lo karda cu cmima gi'e nai nenri lo derxi

>.i na sarcu lo nu pilno
> lo karda poi se cuxna .i lo kelci cu ca troci lo nu finti lo porsi be tu'a lo
> valsi poi vasru su'o ci lerfu vau lo karda poi se ponse .i ji'a ra'u lo banli
> karda poi na ralju cu se curmi basti ro lerfu poi dunli fi lo ka se skari .i
> lo ralju ke banli karda cu se curmi basti ro lerfu poi skari ro da

no lerfu karda cu skari ro da i lo ralju ke banli karda po'o
cu skari ro da i pe'i ry by ky ka'e krati lo mo kau karda poi
skari ma kau

> .i ca lo nu lo valsi cu se finti vau lo kelci cu zifre lo nu punji lo valsi
> karda lo jubme vi ra ga'a ro kelci ca lo kelka'u be ra .i ji'a zifre lo nu
> ca'o ponse lo valsi kardi ca lo nu pu'o bredi lo nu pilno ro se ponse karda

e'u zo jgari cu mapmau zo ponse

> .i da poi kelci cu zifre lo nu jmina lo da lerfu lo valsi be lo drata kelci
> ca lo kelka'u be da .i je ni'i da'i la'e di'u da punji lo lerfu vi da gi'e
> cpacu ge lo nilji'a poi srana lo se jmina lerfu po'o gi ba'e nai lo nilji'a
> poi srana lo mulno valsi .i mu'a zu'a jmina sy ce'o .e bu ce'o ly lu kei li'u
> lu jinga li'u

ki'a u'i

> fi'o nilji'a li pa mu .i ji'a mu'a ri'u jmina gy ce'o ry ce'o
> .i bu lu kei li'u lu tadji li'u

ki'a ke'u

ta'o jmina ba'e me'o gy ce'o ry ce'o i bu

...
> .i lo nu kelci cu se fanmo lo nu pa kelci cu snada lo
> nu ponse da poi ni nilji'a .i je da na'o dunli li mu no no .i je ku'i ro
> kelci cu zifre lo nu cuxna lo drata namcu

ru'a naku ro da poi kelci cu cuxna lo da namcu i lo ro kelci
to noi kansi'u toi cu cuxna lo namcu

> ni'o pa pi ci mo'o drata javni
>
> .i lo cmene .e lo lerfu sinxa valsi cu na se curmi

lo lerfu sinxa valsi na lerfu klani li su'o ci i na sarcu
fa lo nu tolcurmi i ta'o xu tu'a lo fu'ivla cu se curmi

> .i zenba lo ka pluja vau ta'i lo nu curmi lo fange valsi gi'a nitcu lo valsi
> poi srana da poi se vasru lo zdani gi'o nai srana lo bukpu gi'o nai drata

la'a di'u na se smuni lo do se djica

> .i le xanri kelci cu troci lo nu mulno re
> loi mu pa mei se skari karda poi frica lo ka skari

oi ku'i no roi ba snada

mu'o mi'e xorxes

__
Do you Yahoo!?
Meet the all-new My Yahoo! - Try it today!
http://my.yahoo.com