Lojban In General

coi lobypli .io

ni'o

za'e gentilsnu .ai

.i mi pensi lo si'o lo jbopre ge tavla fo la .lojban.
gi cuxna lo lujvo tarmi le'i lujvo tarmi pe lo valsi
.i mu'a cuxna zo jbobau zo jbobau ce
zo lobybau ce zo jbobangu ce lei drata
.i mu'a cuxna zo malglico zo malglico ce
zo malgli ce zo mablyglico ce zo mablygli

.i pluja nu se bangu pe'i
.i sanji na gi'e rarna pe'i

.i pe'i lei valsi cu se lanxe le bangu
.i je ro nu cuxna cu galfi le lanxe lo drata

ni'o mi mutce nelci le sance pe la ma'a bangu
.i je bo ca ro da mi sanji .ui le sance poi mi va'o zbasu

.i ku'i le valsi sance po'o nai cu vajni
.i pe'i le drata tarmi cu rinka lei nu frili jimpe .a
lei nu nandu jimpe .i so'i sance cu simsa ja frica .ua pei
.i vajni fa lo za'i pa valsi lo drata valsi so'i da cu frica
.i lo nu mi'o cuxna lei traji frica tarmi cu su'a nai rarna

ni'o mi nelci lo za'i mi'o zifre
lo nu valsi tarmi cuxna va'o
le la ma'a bangu ku lujvo
noi mi .e do .a'o .i'i
nelci ke'a si'a

ni'o xu do jinvi

ni'o ko ko kurji .i je ko la .lojban. sarji

mu'o mi'e la se ckiku no'u la .selkik.

On Sat, Jul 12, 2008 at 10:45 AM, Brett Williams <mungojelly@gmail.com> wrote:
>
> .i mi pensi lo si'o lo jbopre ge tavla fo la .lojban.
> gi cuxna lo lujvo tarmi le'i lujvo tarmi pe lo valsi
> .i mu'a cuxna zo jbobau zo jbobau ce
> zo lobybau ce zo jbobangu ce lei drata
> .i mu'a cuxna zo malglico zo malglico ce
> zo malgli ce zo mablyglico ce zo mablygli

.i CLL dunda lo javni be lo nu cuxna lo za'e xagrai ke lujvo
tarmi kei bu'u la'oi <http://jbotcan.org/cllc/c4/s12.html>
.i pe'i lo bi'u javni cu na mabla gi'e ku'i ka'e gau zenba
lo ka zabna .i ta'o zo malglico pu se cuxna ca lo nu tavla
bau lo glico .enai lo lojbo .i lo nu pilno ca lo nu tavla bau
lo lojbo cu to mabla xu toi fukpi lo nu pilno bau lo glico
.i zo lobypli cu se finti pu lo nu zo'oi jbo cu rafsi zo lojbo
.i lo nu pilno zo maglico fa'u zo lobypli seba'i zo malgli
fa'u zo jbopli cu citri snuti

> .i pluja nu se bangu pe'i
> .i sanji na gi'e rarna pe'i

.i cafne fa lo nu sanji cuxna ca lo nu pare'u finti .i la'a da
ca lo nu pilno lo ba'o se finti cu na'e sanji pilno lo se morji

> .i pe'i lei valsi cu se lanxe le bangu
> .i je ro nu cuxna cu galfi le lanxe lo drata

.i pe'i lo nu cuxna lo rafsi tezu'e lo nu finti lo lujvo cu rinka
lo nu zenba lo ka lakne kei fa lo nu cuxna lo mintu rafsi
tezu'e lo nu finti lo drata lujvo .i mu'a pe'i zo'oi mau cu
zmadu zo'oi zma .e zo zmadu lo nu lakne lo ka se cuxna
tezu'e tu'a lo fanmo be lo lujvo to ku'i zo'oi zma xagmau
fi lo lujvo poi lo CVV rafsi cu lidne toi

> ni'o mi mutce nelci le sance pe la ma'a bangu
> .i je bo ca ro da mi sanji .ui le sance poi mi va'o zbasu

.i pe'ipei su'o lujvo tarmi na jbokai se sance to .u'i zo
lobykai cu drata ke citri snuti toi

> .i ku'i le valsi sance po'o nai cu vajni
> .i pe'i le drata tarmi cu rinka lei nu frili jimpe .a
> lei nu nandu jimpe .i so'i sance cu simsa ja frica .ua pei
> .i vajni fa lo za'i pa valsi lo drata valsi so'i da cu frica
> .i lo nu mi'o cuxna lei traji frica tarmi cu su'a nai rarna

vajni .i ku'i nandu fa lo nu karbi lo cnino lujvo ro drata lujvo
poi pu se finti .i la'a da na pensi ro drata lujvo ca lo nu finti
lo cnino

> ni'o mi nelci lo za'i mi'o zifre
> lo nu valsi tarmi cuxna va'o
> le la ma'a bangu ku lujvo
> noi mi .e do .a'o .i'i
> nelci ke'a si'a
>
> ni'o xu do jinvi

.u'i mi jinvi su'o da so'a lo srana be lo lojbo

> ni'o ko ko kurji .i je ko la .lojban. sarji

go'i ra'o

mu'o mi'e xorxes

To unsubscribe from this list, send mail to lojban-list-request@lojban.org
with the subject unsubscribe, or go to http://www.lojban.org/lsg2/, or if
you're really stuck, send mail to secretary@lojban.org for help.

On 7/12/08, Jorge Llambías <jjllambias@gmail.com> wrote:
>
>
> .i CLL dunda lo javni be lo nu cuxna lo za'e xagrai ke lujvo
> tarmi kei bu'u la'oi <http://jbotcan.org/cllc/c4/s12.html>
> .i pe'i lo bi'u javni cu na mabla gi'e ku'i ka'e gau zenba
> lo ka zabna

.i lo nu mi na'e tugni le javni cu cafne
.i tolmelbi pe'i (to mu'a la'a le javni cu zmanei pe'a zo tolmle .a'u nai
toi)
.i za'e tolylarcu
.i no remna cu kakne lo nu morji fi le mulno javni
.i ki'u bo le javni le selbau cu na'e pe'i sidju loi nu valsi jimpe .e loi
nu valsi cilre

.i ta'o zo malglico pu se cuxna ca lo nu tavla
> bau lo glico .enai lo lojbo .i lo nu pilno ca lo nu tavla bau
> lo lojbo cu to mabla xu toi fukpi lo nu pilno bau lo glico
> .i zo lobypli cu se finti pu lo nu zo'oi jbo cu rafsi zo lojbo
> .i lo nu pilno zo maglico fa'u zo lobypli seba'i zo malgli
> fa'u zo jbopli cu citri snuti

.ie .i cinri citri .i ki'u bo cinri bangu .i mi traji nelci loi citri pluja
valsi

.i loi simsa valsi poi pu zi se finti cu zasti ku'i
.i zo srilermorna cu ru'e mupli
.i zo jbocevni .e zo jbocertu cu mupli .ia
.i zo tolmorji cu mupli li'a (to lo nu cusku zo tolmo'i cu tolcafne toi)

>
> .i pe'ipei su'o lujvo tarmi na jbokai se sance to .u'i zo
> lobykai cu drata ke citri snuti toi

.i mi kurji le mulno bangu sance
.i ro sance ro sance cu jikca pe'a
.i mi tirna gi'e galfi mu'i lo nu zbasu
lo pe'a kukte ke bangu stasu

> vajni .i ku'i nandu fa lo nu karbi lo cnino lujvo ro drata lujvo
> poi pu se finti .i la'a da na pensi ro drata lujvo ca lo nu finti
> lo cnino

.ie .ienai .i lo'e pu'u lujvo finti ca le ca cedra cu jikca pu'u finti
.i ro jbocertu cu pajni lo ni lo cnino lujvo cu melbi joi plixau
.i le traji xamgu lujvo cu jmive pe'a .i je ku'i so'a le cnino cu mrobi'o
pe'a

.i .ia ma'a prije .ei cuxna

mu'o mi'e se ckiku

Posted by PierreAbbat on Sun 13 of Jul, 2008 15:09 GMT posts: 324

On Saturday 12 July 2008 09:45:00 Brett Williams wrote:
> coi lobypli .io
>
> ni'o
>
> za'e gentilsnu .ai
>
> .i mi pensi lo si'o lo jbopre ge tavla fo la .lojban.
> gi cuxna lo lujvo tarmi le'i lujvo tarmi pe lo valsi
> .i mu'a cuxna zo jbobau zo jbobau ce
> zo lobybau ce zo jbobangu ce lei drata
> .i mu'a cuxna zo malglico zo malglico ce
> zo malgli ce zo mablyglico ce zo mablygli
>
> .i pluja nu se bangu pe'i
> .i sanji na gi'e rarna pe'i
>
> .i pe'i lei valsi cu se lanxe le bangu
> .i je ro nu cuxna cu galfi le lanxe lo drata
>
> ni'o mi mutce nelci le sance pe la ma'a bangu
> .i je bo ca ro da mi sanji .ui le sance poi mi va'o zbasu
>
> .i ku'i le valsi sance po'o nai cu vajni
> .i pe'i le drata tarmi cu rinka lei nu frili jimpe .a
> lei nu nandu jimpe .i so'i sance cu simsa ja frica .ua pei
> .i vajni fa lo za'i pa valsi lo drata valsi so'i da cu frica
> .i lo nu mi'o cuxna lei traji frica tarmi cu su'a nai rarna
>
> ni'o mi nelci lo za'i mi'o zifre
> lo nu valsi tarmi cuxna va'o
> le la ma'a bangu ku lujvo
> noi mi .e do .a'o .i'i
> nelci ke'a si'a
>
> ni'o xu do jinvi

ni'o lo lujvo zo'u ro tairmupli be fi ri cu simxu lo ka dradu'i .i mu'i lo
su'u pemci .a lo ka tordu .a lo ka frili se jimpe cu cuxna lo tairmupli .i mi
pu fanva le selsanga fu lu
ni'o le bi'u cmalu bloti ze'epu naku xe klama
.i ko'a co'a ze'u litru la tumlyselsruri xamsi
.i jeftu be li mu bi'o xa .i lei cidja cu se xaksu
.i le nu se citka cu funca le tordu sastu'u lacpu
.i le ci'onrai cu se funca .ija'ebo cuxna ko'e
li'o li'u .i mi cuxna zo tumlyselsruri .ebo zo ci'onrai .enai zo
tumselsru .ebo zo citrai mu'i le te pemslakykancu

mu'omi'e .pier.

To unsubscribe from this list, send mail to lojban-list-request@lojban.org
with the subject unsubscribe, or go to http://www.lojban.org/lsg2/, or if
you're really stuck, send mail to secretary@lojban.org for help.

On Sat, Jul 12, 2008 at 8:47 PM, Brett Williams <mungojelly@gmail.com> wrote:
>
> .i lo nu mi na'e tugni le javni cu cafne
> .i tolmelbi pe'i (to mu'a la'a le javni cu zmanei pe'a zo tolmle .a'u nai
> toi)

.i lo javni cu zmanei lo tordu lujvo lo clani lujvo .i pau do na nelci
ro lo CVCCCV lujvo ji zo tolmle po'o .i do jinvi ma zo selmluni mu'a
.i lo fanmo be lo lujvo zo'u mi su'oroi zmanei lo mulno gismu lo CVV
rafsi noi ka'e dukse ruble .i ku'i pe'i lo CCV rafsi cu roroi tsali banzu

> .i za'e tolylarcu
> .i no remna cu kakne lo nu morji fi le mulno javni

.i pe'i jy na mutce nandu .i sa'u lu ko cuxna lo tordu traji cumki
lujvo li'u .i lo drata cu tcila

> .i ki'u bo le javni le selbau cu na'e pe'i sidju loi nu valsi jimpe .e loi
> nu valsi cilre

.i li'a jy javni lo nu tordu valsi finti .i zu'unai javni lo nu frili
jimpe valsi
finti kei fa lu ko roroi pilno lo clani rafsi li'u

> .i mi kurji le mulno bangu sance
> .i ro sance ro sance cu jikca pe'a
> .i mi tirna gi'e galfi mu'i lo nu zbasu
> lo pe'a kukte ke bangu stasu

.i pe'i lo nu lo lujvo tarmi cu lojbo ckaji cu naru'e zmiku
.i lo nu jukpa stati cu zmadu se nitcu fi lo nu drani cuxna
lo gismu poi se stasu

>> vajni .i ku'i nandu fa lo nu karbi lo cnino lujvo ro drata lujvo
>> poi pu se finti .i la'a da na pensi ro drata lujvo ca lo nu finti
>> lo cnino
>
> .ie .ienai .i lo'e pu'u lujvo finti ca le ca cedra cu jikca pu'u finti
> .i ro jbocertu cu pajni lo ni lo cnino lujvo cu melbi joi plixau
> .i le traji xamgu lujvo cu jmive pe'a .i je ku'i so'a le cnino cu mrobi'o
> pe'a

.i lo lujvo poi papo'oroi se pilno na mrobi'o .i simlu po'o .i ly denpa
lo nu da rere'u bacru cinba ly kei lo nu sipna kei lo nu za'ure'u cikna

> .i .ia ma'a prije .ei cuxna

.i ie go'i sera'a roda

mu'o mi'e xorxes

To unsubscribe from this list, send mail to lojban-list-request@lojban.org
with the subject unsubscribe, or go to http://www.lojban.org/lsg2/, or if
you're really stuck, send mail to secretary@lojban.org for help.

>
>
> ni'o lo lujvo zo'u ro tairmupli be fi ri cu simxu lo ka dradu'i

.ie .i .ie .i je zo dradu'i cu melbi

ni'o
coi doi .pier. .io sai
.i do pu finti zo klamburi .iu .e zo .alzaitu .iu .e so'i xamgu drata .i'e
.i do je'u traji lo ka mi nelci loi fu'ivla poi fi'e ce'u
.i mu'i bo mi krici lo du'u do djuno fi le la ma'a bangu ku ka melbi
.i mu'i bo mi krici te cusku lei do bangu sidbo

ni'o
pau le bi'u nai selsa'a noi se finti do zo'u ma se tonga
.i mi djica lo nu mi sy sanga

ni'o to xu mi dukse lo ka vrici tavla .u'u ru'e toi
doi ro do mi pu zi vreji sanga .i ko viska la'o .url.
http://selkik.podbean.com/ .url. mu'i lo nu tirna

mu'e mi'e se ckiku

On 7/12/08, Jorge Llambías <jjllambias@gmail.com> wrote:
>
>
> .i lo javni cu zmanei lo tordu lujvo lo clani lujvo .i pau do na nelci
> ro lo CVCCCV lujvo ji zo tolmle po'o .i do jinvi ma zo selmluni mu'a
> .i lo fanmo be lo lujvo zo'u mi su'oroi zmanei lo mulno gismu lo CVV
> rafsi noi ka'e dukse ruble .i ku'i pe'i lo CCV rafsi cu roroi tsali banzu

.i mi nelci zo selmluni .i je'u mi banzu nelci le sance pe zo tolmle
.i ku'i mi to'e nelci lo si'o mi na'e curmi lo nu zifre pilno zo tolmelbi
.i ro valsi cu ka'e melbi va'o lo drani .i je ku'i ki'u tu'a lo mulno bangu
ro valsi lo stizu pe'a cu .ei cuxna .i lei ro le valsi cu jikca pe'a vo'a

.i lo nu zo tolmle .a zo malgli cu xamgu je plixau valsi cu cumki
.i ku'i lo nu ro roi pilno lo tordu rafsi cu krinu pe'i lo nu
le bangu ba binxo lo to'e zdile to'e vrici
.i pe'i lo valsi cu plixau je melbi va'o loi banzu drata be vo'a valsi

>
> .i pe'i lo nu lo lujvo tarmi cu lojbo ckaji cu naru'e zmiku
> .i lo nu jukpa stati cu zmadu se nitcu fi lo nu drani cuxna
> lo gismu poi se stasu

.i lo za'i cumki fa lo nu cuxna loi vrici tarmi cu krinu
loi nu larcu lo nu cuxna lo tarmi
.i ro nu cuxna cu ka'e se larcu
.i mi djica lo nu la .lojban. cu larcu bangu .i mu'i bo
mi djica lo nu tu'a la .lojban. te curmi so'i nu cuxna

.i da'i pluja cumki bo tarmi nu cuxna
.i ki'u bo cumki fa loi ricfu nu pe'a stasu

>
>
> .i lo lujvo poi papo'oroi se pilno na mrobi'o .i simlu po'o .i ly denpa
> lo nu da rere'u bacru cinba ly kei lo nu sipna kei lo nu za'ure'u cikna

.i .ie go'i .i mi pu za facki lo du'u zasti fa lo to'e cnino lujvo po'u zo
frufri noi la .xelsem. pu zu finti
.i mi zo frufri cu tcenelci .i sampu smuni .i rapli sance .i mi to'e frufri
lo'e nu pilno zo frufri
.i so'i da poi to'e cnino lujvo ba na'e je'u morsi gau mi .ai

.i mi nelci lo'e to'e cnino lujvo .i mi nelci lo'e se citri lujvo
.i zo malglico cu ricfu lo ka se citri
.i le so'i se morji be fi zo malglico bei fe so'i jbopre cu vajni mi

.i lo runbau co cnino cu frili se zbasu .i ku'i
la .lojban. cu kargu pe'a rirci lo ka se citri

mu'o mi'e se ckiku

On 7/28/08, Brett Williams <mungojelly@gmail.com> wrote:
> .i je'u mi banzu nelci le sance pe zo tolmle
> .i ku'i mi to'e nelci lo si'o mi na'e curmi lo nu zifre pilno zo tolmelbi

.i ie li'a lo tai sidbo cu mutce bebna .i ro da zifre lo nu pilno lo valsi
poi da nelci

> .i ro valsi cu ka'e melbi va'o lo drani

.i su'o valsi cu to'e melbi mi .i mi pensi lo cimoi klesi fu'ivla .i na
sai pluka mi .i mi troci lo nu rivbi lo nu pilno cykyfy .i ku'i mi na
roroi snada

...
> .i mi pu za facki lo du'u zasti fa lo to'e cnino lujvo po'u zo
> frufri noi la .xelsem. pu zu finti
> .i mi zo frufri cu tcenelci

.i zo frufri cu vlivla to
<http://www.lojban.org/sv/lists/lojban-list/msg11132.html> toi

mu'o mi'e xorxes

To unsubscribe from this list, send mail to lojban-list-request@lojban.org
with the subject unsubscribe, or go to http://www.lojban.org/lsg2/, or if
you're really stuck, send mail to secretary@lojban.org for help.

Posted by PierreAbbat on Tue 29 of Jul, 2008 18:34 GMT posts: 324

On Monday 28 July 2008 00:04:46 Brett Williams wrote:
> ni'o
> pau le bi'u nai selsa'a noi se finti do zo'u ma se tonga
> .i mi djica lo nu mi sy sanga

.i lu le cmalu bloti li'u xu? .i mi fanva po'o gi'enai finti .i mi ba rejgau

mu'omi'e pier.

To unsubscribe from this list, send mail to lojban-list-request@lojban.org
with the subject unsubscribe, or go to http://www.lojban.org/lsg2/, or if
you're really stuck, send mail to secretary@lojban.org for help.