gombesa

ni'o lo'e finprkoilakanto ku to zoi xy. koilakanthos .xy se smuni lu kevna jesni li'u le xelso toi cu ke birka je ganxo se fipnalci be lo rectu stani selsra ke'e je ke cimei bo selpau je midju ji'a stani selsra ke'e finpe .i rokyvei selju'o finprkoilakanto ji'i paremu da .i sruma ledu'u detyja'o rokyvei tova'i jarco le se nanca be le rokci toi gi'e balvi be lo bakrycedra be'o morsi kei pu lenu tolcri lo jmive co'e kei te'e le stuna xaskoi be fi le nanfriko

ni'o le gombesa be la'o ly. Latimeria chalumnae .ly te facki fi la MARdjoris. latimr. de'i li 1938 .i le fipkalte bloti cu kavbu lo ranbo'ufi'e vi la tcalumnas. noi rirxe .ije la MARdjoris. noi muzga kurji gi'e ta'e sisku le ka cizra finpe le marbi cu viska lo blanu fipnalci noi cnita ry .i my vimcu le finpe le derxi gi'e bevri fy. le muzga tezu'e lenu facki le se finpe .i la jylybys. smit. noi skepre cu se spaji lenu viska le finpe mu'i lenu simsa lo finprkoilakanto noi te djuno fo le rokyvei po'o

ni'o sisku le ka finprkoilakanto piro le munje .ico'ubo facki le ka zvati la komoros. i le'e prenrkomoro cu se spaji lenu pleji le mutce jdini fo lo gombesa noi xagme'a je vitci bo snuti bo selkavbu finpe .i le prenrkomoro ca jimpe le ka vajni be le vo'a selckape jutsi gi'e platu fi lenu xruti ro vitci selkavbu gombesa le condi djacu tezu'e lenu ca'o jmive

ni'o de'i li 1997 la .arNAZ. joi la mark. erdman. cu speli'u la bindygug. gi'e viska le cizra finpe mo'ine'i le zarci be vi la manadon. tu,as. .ije le speni cu zgaju'o le ka gombesa le finpe .iku'i ri bunre gi'enai blanu to lai .erdman na djuno le du'u cnino jutsi pu lenu le certu cu viska le kacmyxra ne'i la .ueb. toi .i le jutsi noi se valsi zoi by. rajah laut .by le bindo cu saske se cmene zoi ly. Latimeria menadoensis .ly

ni'o bau le glico la'o url. http://www.wikipedia.org/wiki/coelacanth .url



Isn't that a SEE-luh-canth?
:In English, it is.



jmive baldze