le si'o sucta viska bo pluka ku smuni
.i se pilno steci bo lujvo
- cifmle : cinfu zei melbi .i zoi .gy. cute .gy. .i mu'a lo gercifnu
- citmle : citno zei melbi .i zoi .gy. fair of face .gy.
- cinmle : cinse zei melbi .i lo si'o se ganse ja se viska ku cafne smuni
- nolmle : nobli zei melbi .i zoi .gy. elegant .gy.
- racmle : ralci zei melbi .i mu'a lo jadvau .a lo jadni cinynerta'u .a lo pluja se fenso .a lo cmalu xrula
.i tu'e
.i'e .ie nai ru'e .i pe'i lo si'o viska cu na srana lo si'o melbi .i lo sance cu ka'e melbi .i lo nu pencu kei cu ka'e melbi .i lo du'u za'e selvismle kei po'o nai cu smuni
ni'o mi nelci lo pu'u finti so'i lujvo fi'o rafsi zoi .raf. mle .raf. .i ma'a kakne lo nu finti so'i mutce steci mlejvo .i la .lojban. misno ki'u lo za'i da'i satci .i ku'i je'u la .lojban. cafne na'e satci bo te valsi .i .ei lo jetnu bangu cu binxo lo cfika ke misno bangu .i .ei ma'a finti rau steci valsi lo mu'a nu skicu so'i za'i melbi
ni'o mi mutce nelci zo cifmle joi zo citmle .i re bi'u nai valsi cu xamgu xe fanva zoi .gy. cute .gy. .i ku'i milxe frica .i mi finti zo cmamle ji'a noi simsa xe fanva zi'e noi milxe frica se smuni
tu'u .i di'u selsku la .selkik.