la snime blabi

ni'o pu zu ku ca lo dunra midju fau lo nu lo snime tai lo pimlu cu carvi fi

lo tsani kei lo noltruni'u cu zutse ne'a lo canko noi se korbi lo xekri mudri

ku'o gi'e fenso .i lo noltruni'u fau lo nu fenso gi'e zgana lo snime nu carvi

cu rakygau lo jesni lo degji .i je ci dirgo be lo ciblu cu farlu lo snime .i

mu'i lo nu lo xunre be ne'i lo blabi snime cu tai melbi kei ny pensi «lu .au

sai mi se panzi da poi blabi du'i lo snime zi'e poi xunre du'i lo ciblu zi'e

poi xekri du'i lo mudri korbi li'u» .i ba za lo no'e clani ny se tixnu .i ty

blabi du'i lo snime gi'e xunre du'i lo ciblu gi'e xekri du'i lo mudri korbi .i

se ki'u bo se cmene «lu snime blabi li'u» .i ca lo nu ba'o jbena kei lo

noltruni'u cu mrobi'o

ni'o ba za lo nanca lo noltrunau co'a speni lo drata .i melbi ninmu gi'e ku'i

ge jgira gi tolcumla gi'e na curmi lo da'i nu da ny zmadu lo ni melbi .i ny

ponse lo se manci minra .i ca ro nu ny sanli ca'u lo minra gi'e sezycta kei ny

cusku

.i lo minra cu spusku

.i ba bo ny se mansa ki'u lo du'u djuno lo du'u lo minra cu cusku lo jetnu

ni'o ku'i la snime blabi cu banro gi'e zenba ca ro djedi lo ni melbi .i ca lo

nu nanca li ze cu melbi du'i lo klina donri gi'e ji'a mlemau lo noltruni'u .i

ca lo djedi ca lo nu ny za'u ru'e retsku fi lo minra fe «lu doi minra doi minra

ne bu'u lo bitmu ma mlerai ro lo se gugde li'u» kei lo minra cu spusku «lu doi

ga'i noltruni'u do vi mlerai .i ku'i la snime blabi cu mlemau do fo lo pilji be

li ki'o li'u» .i ca ku lo noltruni'u cu se spaji mutce gi'e binxo lo pelxu joi

crino ri'a lo nu jilra .i co'a ku ca ro nu viska la snime blabi kei lo besna be

ny cu carna .i la'e di'u jai du'i xebni la snime blabi fai ny .i lo ni jilra

gi'e tolcumla cu se zenba tai lo cicyspa nu malba'o ne'i lo besna .i malba'o .i

malba'o .i ri'a bo ny na za'o surla kakne ca ge lo donri gi lo nicte .i lo

noltruni'u cu klacpe lo kalte gi'e cusku «lu ko gidva la snime blabi lo ricfoi

.i mi na djica lo nu za'u re'u viska .i .e'o ko catra by gi'e bevri fi mi fe lo

by fepri .e lo by livga fi'o sinxa ku li'u» .i lo kalte cu tinbe gi'e gidva la

snime blabi lo bartu .i ca lo nu ba'o cpacu lo mircatrydakfu gi'e pu'o rakygau

fi lo zernalfu'e besna be la snime blabi kei by co'a klaku gi'e cusku «lu pe'u

xendo kalte .i ko curmi lo nu mi jmive .i mi ba bajykla lo cilce rifcoi gi'e

ze'e na xruti li'u» .i mu'i lo nu ny tai melbi kei lo kalte ny kecti gi'e cusku

«lu ko bajra doi malselfu'a verba li'u» .i «lu lo cilce danlu ba zi ba'o citka

do —sei lo kalte cu pensi li'u» .i ku'i to'e ki'u nai cinmo lo ka co'u dunku

kei ki'u lo du'u na bilga lo nu catra

ni'o lo kalte ca lo nu lo xarju panzi cu jbikla cu daktuncatra gi'e lebna lo

fepri .e lo livga gi'e bevri fi'o sinxa ku fi lo noltruni'u .i lo jukpa cu .ei

silnyjau jukpa xai .i lo palci ninmu cu citka gi'e birti lo du'u ba'o citka lo

fepri .e lo livga vu'o pe la snime blabi

ni'o lo uu verba bu'u lo barda rifcoi cu mulno nonkansa gi'e terpa mutce

ja'e lo nu catlu ro lo pezli be lo tricu gi'e na djuno lo du'u .ei ta'i ma kau

sezdju .i co'a bajra gi'e bajra lo kinli rokci gi'e pagre lo rulkinli foldi .i

je lo cilce danlu cu mo'i ne'a plipe gi'e ku'i na gunta .i la snime blabi cu

bajra co'u lo nu na za'o kakne .e lo nu co'a vanci .i ca ku viska lo cmalu

zdani gi'e nerkla te zu'e lo nu sipna .i ne'i lo zdani ro da cmalu .i ku'i tai

cmalu je ralci se ki'u lo nu nandu fa lo nu skicu .i bu'u sanli fa lo blabi se

bregau cmajubme noi te punji ze cmalu palta ne to'e se cau ze ralci smuci .e ze

cmalu dakfu .e ze cmalu forca .e ze cmalu kabri .i re'o lo bitmu ze cmalu ckana

cu linji se punji gi'e se gacri lo snime blabi boxfo .i la snime blabi mu'i lo

nu tai xagji je taske cu citka pi lo cpana be ro lo palta be'o no'u lo stagi

joi lo nanba gi'e pinxe pa dirgo ne ro lo kabri .i mu'i bo na djica lo nu xaksu

ro da fa ny po'o .i ba ku mu'i lo nu tatpi cu cpana lo ckana .i ku'i no lo

cpana cu mapti .i pa boi cy cu cladu'e .i pa boi cy cu tordu'e .i uo lo ze moi

cu mapti .i stali lo ckana gi'e zausku la cevni gi'e co'a sipna

ni'o ca lo nu ba'o manku binxo kei cu xruti fa lo xabju be lo zdani be'o

no'u lo ze torcrida noi bu'u lo cmana cu kakpa sisku tu'a lo kunra .i ty

cikygau lo ty. cmalu te gusni .i je co'a lo nu tolmanku cu viska lo nu da pu

zvati lo nenri kei ki'u lo du'u na ku ro da stali lo pu te setca .i lo pa moi

cu cusku «lu ma pu zutse lo mi stizu li'u» .i lo re moi cu cusku «lu ma pu

citka pi lo cpana be lo mi palta li'u» .i lo ci moi cu cusku «lu ma vimcu fi lo

mi nanba li'u» .i lo vo moi cu cusku «lu ma citka pi lo mi stagi li'u» .i lo mu

moi cu cusku «lu ma tungau se pi'o lo mi forca li'u» .i lo xa moi cu cusku «lu

ma ka'argau se pi'o lo mi dakfu li'u» .i lo ze moi cu cusku «lu ma pinxe fi lo

mi kabri li'u» .i ba ku lo pa moi cu sisycta gi'e viska lo nu da cmalu punli lo

vo'a ckana .i je cusku «lu ma stapa lo mi ckana li'u» .i lo drata cu jbikla

gi'e lausku «lu lo me mi moi ku ji'a pu se cpana da li'u» .i ku'i lo ze moi ca

lo nu catlu lo ri ckana cu viska la cnime blabi noi cpana gi'e sipna .i lo ze

moi cu klacpe lo drata noi jbikla gi'e krixa ri'a lo nu se spaji kei gi'e cpacu

lo vo'e te gusni gi'e selgusygau la snime blabi .i «lu ua .u'e sai .u'e sai —

sei lo torcrida cu krixa— ta mutce lo ka ba'e melbi li'u» .i lo torcrida

tai gleki se mu'i lo nu cikygau na gi'e sipna stali curmi .i ku'i lo ze moi

torcrida cu sipna bu'u lo ri pendo ze'a lo cacra .i tai ku lo nicte cu mulno

ni'o ca lo cerni la snime blabi cu co'a cikna gi'e viska lo ze torcrida gi'e

se spaji .i ku'i ty xendo gi'e retsku «lu ma cmene do li'u» .i «lu mi se cmene

«lu snime blabi li'u» —sei by spusku li'u» .i «lu ta'i ma nerkla lo mi'a zdani

—sei lo torcrida cu stali retsku li'u» .i la snime blabi cu skicu lo nu ge lo

mamta pu catra djica gi ku'i lo kalte cu zandu'a lo nunjmive kei .e lo nu ba ku

bajra ze'a pi ro lo djedi co'u lo nu facki fi lo zdani .i lo torcrida cu cusku

«lu lo nu do djica lo nu nicygau lo zdani srana gi'e jukpa gi'e lumci gi'e

fenso cu te curmi lo nu do stali mi'a gi'e ja'e bo claxu no da li'u» .i «lu

.i'a —sei la snime blabi cu cusku— mi djica li'u» .i je stali .i by se va'u lo

torcrida cu nicygau lo zdani .i sa'u nai ca lo cerni lo torcrida cu cliva se

ka'a lo cmana gi'e sisku tu'a lo kunra .e lo solji .i ca lo vanci cu xruti .i

ca ku .ei lo sanmi cu ba'o se bregau .i ku'i ca'o lo donri lo nixli cu nonkansa

.i se mu'i bo lo xendo torcrida cu jai kajde gi'e cusku «lu ko capyju'i lo

mamta be do .i my ba zi djuno lo du'u do ti zvati .i ko na curmi lo nu da

nerkla li'u» .i ku'i lo noltruni'u ba lo nu citka lo fepri .e lo livga vu'o noi

ny krici fi ke'a fe lo du'u pagbu la snime blabi cu jinvi lo du'u di'a ku pa

moi lo melbi gi'e mlerai .i je klama lo minra gi'e cusku

.i lo minra cu spusku

ni'o ca ku lo noltruni'u cu se spaji ki'u lo nu ny djuno lo du'u lo minra na

cusku lo to'e jetnu .i je ny co'a sanji lo du'u ge lo kalte ny tcica gi la

snime blabi cu za'o jmive .i ny za'u re'u pensi lo nu ta'i ma kau catra kei

mu'i lo nu co'u lo nu ca'a mlerai be ro lo selgu'e cu na surla kakne ri'a lo nu

jilra .i ca lo nu ba'o platu cu skagau lo flira gi'e dasni lo se dasni be lo te

zarci gi'e tai binxo lo se sanji jai nandu .i tai ku klama fo lo ze cmana fe lo

ze torcrida gi'e snadarxi lo vorme gi'e lausku «lu lo xamgu ve pleji cu se

friti li'u» .i la snime blabi cu catlu pa'o lo canko gi'e lausku «lu coi di'ai

xendo ninmu do ma vecnu li'u» .i ny spusku «lu lo xamgu joi lo melbi vu'o no'u

lo jongausko poi skari ro da li'u» gi'e lebna fi lo dakli fe pa boi jy poi se

jivbu fi lo silka .i «lu lo stace ninmu zo'u .e'a .ei nai mi nerkla curmi li'u»

se pensi la snime blabi noi ga'orgau lo vorme gi'e te vecnu lo melbi jongausko

.i «lu doi verba —sei lo tolci'o cu cusku— do se jvinu ma .u'e pau nai .i .au

mi nicygau do se pi'o lo skori li'u» .i la snime blabi na kanpe lo xlali gi'e

co'a sanli ne'a lo ninmu gi'e curmi lo nu ny cu srugau lo skori .i je ku'i lo

tolci'o cu sutra je tagji srugau ri'a lo nu la snime blabi co'u vasxu kakne

gi'e morsi farlu lo loldi .i «lu ca ku do ba'o mlerai li'u» zo'u cusku gi'e

sutra lo nu cliva

ni'o ba na'e zu ku ca lo vanci lo ze torcrida cu xruti lo zdani gi'e mutce lo

ka se spaji kei ca lo nu viska lo nu la snime blabi cu cpana lo loldi gi'e na

muvdu fi'o selmlu lo ka morsi .i lo torcrida cu lafti .i ty viska lo nu dukse

lo ka tagji se srugau .i se ki'u bo ka'argau fi lo skori .i ca ku la snime

blabi cu co'a linto vasxu gi'e masno binxo lo di'a jmive .i lo torcrida ca lo

nu tirna lo du'u ma kau pu fasnu cu cusku «lu lo tolci'o te zarci cu me no na'e

bo lo cevycau noltruni'u .i ko na curmi lo nu da nerkla ca lo nu mi'a na zvati

do li'u»

ni'o ku'i lo palci ninmu ca lo nu ba'o tolcliva lo ri zdani cu klama lo minra

gi'e retsku

.i lo minra cu spusku

ni'o lo noltruni'u ca lo nu tirna la'e di'u cu jenca se spaji se ri'a lo nu

lo ciblu cu muvdu lo risna .i ki'u bo je'a sanji lo du'u la snime blabi cu ba'o

di'a jmive .i «lu ca ku .ai —sei ny cusku— mi platu lo prane te catra li'u» .i je ny zbasu lo vindu komcu gi'e ba bo co'a se ticta'u ja'e lo nu simlu lo ka drata ninmu .i tai ku klama fo lo ze cmana fe lo ze torcrida gi'e darxi lo vorme gi'e lausku «lu lo xamgu cu selve'u li'u» .i la snime blabi cu catlu lo bartu gi'e cusku «lu ko di'a klama .i .ei mi na curmi lo nu da nerkla li'u» .i «lu ju'o lo nu do catlu po'o cu se curmi li'u» zo'u lo tolci'o cu cusku gi'e cpacu lo vindu komcu gi'e jarco lafti .i ky mutce lo ka se nelci la snime blabi kei ja'e lo nu by kargau lo vorme .i ca lo nu ba'o terve'u kei lo tolci'o cu cusku «lu ca ku .ai mi krefu nicygau do li'u» .i la uu snime blabi cu pensi no da gi'e curmi tu'a lo tolci'o .i ku'i ca lo nu lo komcu co'i pencu lo kerfa kei lo vindu cu jai rinka lo nu lo nixli cu tolsanji farlu lo loldi .i «lu do noi prane lo ka melbi —sei lo palci ninmu cu cusku— .i ca ku do se fanmo li'u» .i je cliva .i ku'i ui na ru'e vanci ja'e lo nu ba zi ku lo ze torcrida cu xruti lo zdani .i ty ca lo nu viska lo nu la snime blabi cu cpana lo loldi cu temsepcau sruma tu'a lo noltuni'u gi'e sisku gi'e tolcri lo vindu komcu .i ba zi lo nu ba'o vimcu lo komcu lo kerfa cu di'a sanji fa la snime blabi noi cusku lo se du'u ma kau fasnu .i lo te torcrida cu za'u re'u kajde cusku fi ny fe lo se du'u .ei capyju'i gi'e na curmi lo nu da nerkla .i lo noltruni'u bu'u lo ri zdani cu co'a stali ne'a lo minra gi'e cusku

.i lo minra cu spusku

ni'o

.i lo minra cu spusku

ni'o