Codex Woldemar

.i zoigy. Codex Woldemar gy. xajmi cmene le gerna cukta pe fi'e la djan.kau,n.

.i pare'u cmene fi la .and.rostas., noi pilno zoigy. Woldemar Codex gy. vi la'ogy. http://balance.wiw.org/~jkominek/lojban/9709/msg00081.html gy.

.i se finti ki'u leka zoigy. Woldemar gy. noi midju cmene la djan.kau,n cu rirci

.i zoigy. Codex gy. no'u zo kodeks. cu latmo cmene lo selpapri ke cukta tarmi .i loi citri vajni selpapri cu so'iroi se cmene zoigy. Codex gy. ce'o le cmene be le diklo jonai pu ponse be le cukta

.i mu'ubo le slabu seltcidu pe le xriso jdabalcukta (toi krinu lenu rivbi le smuni be zo balcukta poi pu se stidi --- mi'e nitcion) cu ralju renvi vi vo cukta po'u la'ogy. Codex Vaticanus gy. ce la'ogy. Codex Alexandrinus gy. ce la'ogy. Codex Sinaiticus gy. ce la'ogy. Codex Bezae gy.

.i lenu te cmene le gerna cukta lo vasru be zo kodeks. cu li'a jimpyri'a ledu'u le gerna cukta cu simsa le banli ke slabu cukta leni vajni le cecmu



ni'o zoi ly Codex Waldemarius ly zoi ly Codex Waldemarae ly lo drata zo'u ma drani

.i ganai le cukta cu se cmene zo'e pe lo tcadu; gi le sumti skici selbri (to zoigy. adjective gy.toi) cu se pilno .i lenu le cukta cu se cmene lo pu ponse na cafne .i ku'i pe'i lenu pilno lu'e le ponse cu sarcyri'a lenu ponse le po zei tarmi (to zoigy. genitive gy.toi) .i mu'ubo la vatikanum. .e la .aleksandrias. .e la siNAIS. cu stuzi .i ku'i la teodor.bezas. cu prenu .i ku'i mi ji'a facki zoigy. Codex Serafinianus nefi'e la luidjis.serafinis.

.i lenu li'a te cmene la kodeks. le finti be le seltcidu cu to'e cafne ki'u le so'aroi ka su'ore cukta pe zo kodeks. cu fukpi le mintu selfinti gi'e seni'ibo se cmene mu'i lenu frica tcita

.i ni'iku fau le cizra nu tavla fi le gerna cukta le latmo kei; cu drani pe'i fa zoigy. Codex Waldemari gy. (to .i la saksos.gramatikus. noi slabu gugdrdanska citri vreji cu pilno zoigy. Waldemarus gy. .enai zoigy. Waldemara gy. lenu te cmene lo gugdrdanska noltru poi la'a tu'a ke'a jicmu le ca cmene toi)


Created by admin. Last Modification: Tuesday 10 of June, 2014 03:14:12 GMT by mukti.